Eyjólfur Þorbjörnsson (Búastöðum)
Eyjólfur Þorbjörnsson bóndi og hreppstjóri á Búastöðum vestri fæddist 1797 í Ystaskála u. Eyjafjöllum og lést 10. janúar 1840.
Faðir hans var Þorbjörn bóndi í Ásólfsskála þar 1801, f. 1761, Árnason, f. um 1732, Þorbjörnssonar, og kona Árna Vigdísar Jónsdóttur húsfreyju, f. 1734, d. 23. nóvember 1802.
Móðir Eyjólfs og kona Þorbjörns var Vilborg húsfreyja, f. um 1764, d. 2. nóvember 1826, Tómasdóttir bónda í Aurgötu, f. 1724, Þorsteinssonar, og konu Tómasar Geirdísar Símonardóttur, f. 1734, d. 31. janúar 1791.
Eyjólfur var með foreldrum sínum í Ásólfsskála 1801, vinnumaður í Þorlaugargerði 1812 og kvæntur vinnumaður þar 1824.
Þau Ragnhildur voru komin að Búastöðum 1826 og bjuggu þar síðan, en skildu að borði og sæng í júlí 1836.
Þau eignuðust 8 börn, en aðeins eitt barna þeirra lifði æskuna.
Eyjólfur var bróðir
1. Vigdísar Þorbjörnsdóttur húsfreyju í Svaðkoti.
2. Árna Þorbjörnssonar bónda á Kirkjubæ.
Systurbörn Eyjólfs í Eyjum voru
1. Vilborgar Þórðardóttir húsfreyja í Elínarhúsi,
2. Geirdís Þórðardóttir húsfreyja í París,
3. Þorbjörn Þórðarson vinnumaður, sjómaður frá Svaðkoti og
4. Sveinn Þórðarson tómthúsmaður í Brandshúsi.
Kona Eyjólfs, (15. október 1824, skildu að borði og sæng 1836), var Ragnhildur Ingimundardóttir húsfreyja, f. 17. nóvember 1799 á Kirkjulæk í Fljótshlíð, d. 11. mars 1888.
Börn þeirra hér:
1. Guðrún Eyjólfsdóttir, f. ágúst 1826, d. 17. ágúst 1826 úr „Barnaveiki“.
2. Þorbjörg Eyjólfsdóttir, f. 31. október 1829.
3. Guðrún Eyjólfsdóttir, f. 4. desember 1830, d. 11. desember 1830 úr „Barnaveiki“.
4. Þorbjörg Eyjólfsdóttir, f. 7. desember 1831, 6. maí 1915.
5. Guðríður Eyjólfsdóttir, f. 21. febrúar 1833, d. 2. mars úr „Barnaveiki“.
6. Andvana stúlka, f. 13. apríl 1834.
7. Þorbjörn Eyjólfsson, f. 21. maí 1835, d. 27. maí 1835 úr „Barnaveiki“.
8. Ólafur Eyjólfsson, f. 4. desember 1836, d. 15. desember 1836 úr ginklofa.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.