Elísabet Bergsdóttir (Vilborgarstöðum)

Úr Heimaslóð, Sögusetri Vestmannaeyja
Útgáfa frá 28. júní 2015 kl. 10:25 eftir Viglundur (spjall | framlög) Útgáfa frá 28. júní 2015 kl. 10:25 eftir Viglundur (spjall | framlög)
Fara í flakk Fara í leit

Elísabet Bergsdóttir frá Vilborgarstöðum, húsfreyja í Presthúsum og Hvíld fæddist 1. desember 1857 og lést 6. júlí 1928.
Foreldrar hennar voru Sigþrúður Ormsdóttir vinnukona á Vilborgarstöðum, f. 1833, d. 30. september 1861, og barnsfaðir hennar Bergur Magnússon á Vilborgarstöðum, f. 1837, hrapaði til bana í Dufþekju 3. ágúst 1866.

Elísabet var með móður sinni á Vilborgarstöðum 1860. Þar var faðir hennar vinnumaður hjá Guðbjörgu Daníelsdóttur móður sinni, ekkju og ömmu Elísabetar. Hún var niðursetningur hjá Bjarna Einari Magnússyni sýslumanni og konu hans Solveigu Hildi Thorarensen í Nöjsomhed 1870.
Elísabet giftist Arnbirni 1883, var gift húskona í Jómsborg 1890, húsfreyja í Presthúsum með Arnbirni og börnunum Bergmundi, Ágústu og Guðbjörgu 1901 og enn 1910 með dætrunum tveim og Arnbirni.
Við manntal 1920 var fjölskyldan í Hvíld (við Faxastíg). Þar var einnig fósturbarnið Elísabet Hrefna Eyjólfsdóttir, f. 8. júní 1913, d. 13. júlí 1984. Hún var dóttir Guðbjargar Arnbjörnsdóttur og Eyjólfs Ólafssonar Ásberg, síðar bakara og kaupmanns í Keflavík, f. 19. júlí 1891, d. 27. nóvember 1954.
Þau Arnbjörn skiptu bústöðum við hjónin í Hvíld, Kára Sigurðsson og Þórunni Pálsdóttur á öðrum áratugi aldarinnar.

Maður Elísabetar var Arnbjörn Ögmundsson bóndi og útvegsmaður í Presthúsum og Hvíld, f. 10. október 1809, d. 10. janúar 1888.
Börn Arnbjörns og Elísabetar voru:
1. Bergmundur Arnbjörnsson í Nýborg, f. 17. október 1883, d. 28. nóvember 1952.
2. Þorbjörn Arnbjörnsson á Reynifelli, f. 8. október 1886, d. 10. nóvember 1965.
3. Ágústa Arnbjörnsdóttir húsfreyja í Hvíld við Faxastíg, kona Kristins Jónssonar á Tanganum, fædd 11. ágúst 1899, d. 24. maí 1989.
4. Guðbjörg Arnbjörnsdóttir í Hvíld, f. 22. desember 1891, d. 18. maí 1944.


Heimildir

  • Samantekt: Víglundur Þór Þorsteinsson.
  • Vestur-Skaftfellingar 1703-1966. Björn Magnússon. Leiftur 1970-1973.
  • Manntöl.
  • Íslendingabók.is.
  • Garður.is.


Þessi grein tilheyrir Æviskrám Eyjafólks eftir Víglund Þór Þorsteinsson.