Einar Árnason (Vilborgarstöðum)

Úr Heimaslóð, Sögusetri Vestmannaeyja
Útgáfa frá 29. desember 2020 kl. 16:52 eftir Viglundur (spjall | framlög) Útgáfa frá 29. desember 2020 kl. 16:52 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit
Einar Árnason og kona hans Guðrún Sigríður Lúðvíksdóttir Knudsen.

Einar Árnason frá Vilborgarstöðum fæddist þar 16. október 1852 og lést 16. mars 1923. Hann var sonur Árna Einarssonar hreppstjóra og Guðfinnu Jónsdóttur prests Austmanns.

Börn Guðfinnu og Árna:
1. Ólöf Árnadóttir, f. 29. desember 1848, dó ungbarn.
2. Sigurður Árnason, f. 19. maí 1850, d. 19. september 1853 úr „barnaveiki“.
3. Einar Árnason kennari, verslunarmaður, kaupmaður í Rvk, f. 16. október 1852, d. 16. mars 1923.
4. Sigurður Árnason, f. 16. desember 1853, d. 28. desember 1853 úr ginklofa.
5. Jón Árnason kaupmaður í Rvk, f. 24. maí 1855, d. 10. janúar 1933.
6. Sigfús Árnason tónlistarmaður, alþingismaður, f. 10. september 1856, d. 5. júni 1922.
7. Þórdís Magnúsína Árnadóttir húsfreyja, f. 6. ágúst 1859, d. 25. október 1910.
8. Lárus Matthías Árnason lyfsali í Bandaríkjunum, f. 24. júní 1862, d. 14. nóvember 1909.
9. Kristmundur Árnason, f. 2. júní 1863. Hann fór til Vesturheims 1887.
Fóstursonur Árna var sonur Guðfinnu
10. Jóhann J. Johnsen veitingamaður, kaupmaður og bóndi, einn af ættfeðrum Johnsenættarinnar.

Á æskuárum stundaði Einar nám hjá Bjarna E. Magnússyni, sýslumanni í Eyjum, sem hélt unglingaskóla og veitti nokkrum unglingum þar fræðslu ókeypis árlega. Eftir að Einar hafði verið barnakennari í fæðingarbyggð sinni í tvö ár 1880-1882, fluttist hann til Reykjavíkur (vorið 1882) og gerðist verslunarmaður þar og á Suðurnesjum um skeið. Síðan sigldi hann til Kaupmannahafnar og lagði stund á verslunarnám. Að því loknu gerðist hann verslunarstjóri hjá Thomsen kaupmanni í Reykjavík og vann hjá honum uns hann stofnaði eigin verslun þar í bæ og gerðist sjálfur kaupmaður.

Ungur að árum trúlofaðist Einar Rósu Brynjólfsdóttur prests JónssonarOfanleiti, en missti hana áður en til giftingar kom.

I. Kona Einars kaupmanns var Guðrún Sigríður Lúðvíksdóttir Knudsen verslunarmanns í Reykjavík, danskættuð, f. 12. júlí 1863, d. 8. júní 1930. Heimili þeirra hjóna var að Vesturgötu 45 í Reykjavík.
Börn þeirra:
1. Árni Einarsson kaupmaður, málari, f. 12. janúar 1890 í Reykjavík, d. 11. október 1944, óg.
2. Rósa Jóhanna Einarsdóttir bústýra, f. 27. janúar 1891, d. 12. júlí 1956, óg.
3. Ludvig Arne Einarsson málarameistari í Reykjavík, f. þar 29. maí 1892, d. 20. mars 1959. Hann var ókvæntur, en átti barn með Sigrúnu Ólafíu Guðmundsdóttur.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Íslenskir málarar - Saga og málaratal. Kristján Guðlaugsson. Málarameistarafélag Reykjavíkur 1982.
  • Manntöl.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.