Davíð Ólafsson (Kirkjubæ)

Úr Heimaslóð, Sögusetri Vestmannaeyja
Útgáfa frá 23. febrúar 2017 kl. 19:23 eftir Viglundur (spjall | framlög) Útgáfa frá 23. febrúar 2017 kl. 19:23 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Davíð Ólafsson járnsmiður frá Kirkjubæ fæddist 12. apríl 1836 og lést 10. mars 1875.
Foreldrar hans voru Ólafur Guðmundsson bóndi á Kirkjubæ, f. 17. janúar 1797, d. 14. júlí 1869, og kona hans Helga Ólafsdóttir húsfreyja, f. 1793, d. 27. mars 1840.

Davíð var fósturbarn í Dölum 1840 og enn 1847, með föður sínum og Guðrúnu Pálsdóttur stjúpu sinni á Kirkjubæ 1850, með föður sínum þar 1855, hermaður í Herfylkingunni 1857.
Hann var 25 ára vinnumaður í Garðinum 1860, en fór 31 árs lausamaður úr Eyjum til „Vesturlandsins“ 1866.
Davíð þessi er talinn vera sá, sem hrapaði úr Súlnaskeri og lifði það af, kallaður síðan „Davíð, sem datt“.
Davíð Ólafsson var 34 ára húsmaður og járnsmiður á Gemlufalli í Dýrafirði 1870, sagður fæddur í Eyjum.
Hann er sumsstaðar sagður hafa farið til Vesturheims, en hann finnst ekki meðal Vesturfara.
Hann lést 1875, ókvæntur.

I. Barnsmóðir Davíðs að tveim börnum var Guðríður Jónsdóttir vinnukona í Nöjsomhed, f. 29. janúar 1835 í Gaulverjabæjarsókn í Flóa, d. 25. apríl 1916.
Börn þeirra voru:
1. Jónína Guðríður Davíðsdóttir, f. 30. september 1863 í Nöjsomhed. Hún var tökubarn hjá sr. Páli Ingimundarsyni og Sigríði Eiríksdóttur húsfreyju í Gaulverjabæ 1870, þjónustustúlka á Haugi þar 1880, á Stóru-Háeyri á Eyrarbakka 1890. Hún fór til Vesturheims 1892 frá Kaupmannshúsi á Eyrarbakka.
2. Sigríður Davíðsdóttir ljósmóðir á Fljótshólum og á Hákonarstöðum á Jökuldal, N-Múl., f. 30. október 1864 á Fljótshólum, d. 14. september 1950 í Hafnarfirði.


Heimildir