Dagný Ingimundardóttir
Dagný Ingimundardóttir frá Djúpavogi, húsfreyja, verslunarmaður, kaupmaður fæddist 27. ágúst 1914 í Hammersminni þar og lést 16. apríl 2011 í Hraunbúðum.
Foreldrar hennar voru Ingimundur Sveinsson frá Skeiðflöt í Mýrdal, húsgagnasmiður, f. þar 30. apríl 1871, d. 19. júní 1923, og kona hans Anna María Lúðvíksdóttir frá Hammersminni, húsfreyja, f. þar 24. júlí 1881.
Fósturforeldrar Dagnýjar voru Lúðvík Níels Lúðvíksson móðurbróðir hennar, útgerðarmaður, skipstjóri, f. 22. nóvember 1879, d. 25. ágúst 1957, og kona hans Helga Sigurðardóttir frá Eskifirði, húsfreyja, f. á Svínaskálastekk þar 3. október 1881, d. 16. nóvember 1968.
Systir Dagnýjar - í Eyjum var
1. Lovísa Ingimundardóttir húsfreyja, f. 5. maí 1910, d. 21. september 1998.
Dagný var skamma stund með foreldrum sínum. Vegna sjúkleika móður sinnar var hún send í fóstur til Helgu og Lúðvíks.
Hún var með þeim í Hafnarfirði 1920, fluttist með þeim til Eyja 1923, bjó með þeim við Kirkjuveg 72.
Dagný vann á yngri árum í Verslun Önnu Gunnlaugsson.
Hún var síðar kaupmaður í Framtíðinni.
Þau Tómas giftu sig 1935, eignuðust þrjú börn. Þau bjuggu í fyrstu á Kanastöðum með Guðrúnu móður hans, en byggðu við hús fósturforeldra Dagnýjar við Kirkjuveg 72 og bjuggu þar síðan.
Tómas lést 1991 og Dagný 2011.
I. Maður Dagnýjar, (26. október 1935), var Tómas Geirsson frá Kanastöðum í A-Landeyjum, verslunarmaður, kaupmaður, f. þar 20. júní 1912, d. 24. febrúar 1991.
Börn þeirra:
1. Helga Tómasdóttir húsfreyja, verslunarmaður, f. 6. júlí 1936 á Kanastöðum. Maður hennar Reynir Frímann Másson.
2. Sigurður Ágúst Tómasson sölustjóri, skrifstofustjóri, gjaldkeri, f. 11. maí 1942 á Kanastöðum. Kona hans Guðrún Jóhanna Jakobsdóttir.
3. Geirrún Tómasdóttir húsfreyja, f. 2. apríl 1946 á Kirkjuvegi 72, d. 29. apríl 2014. Maður hennar Jóhannes Kristinsson, látinn.
Heimildir
- Samantekt: Víglundur Þór Þorsteinsson.
- Íbúaskrá Vestmannaeyja 1972.
- Íslendingabók.is.
- Manntöl.
- Morgunblaðið. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.