Blik 1958/Gagnfræðaskólinn í Vestmannaeyjum er vígi, kvæði

Úr Heimaslóð, Sögusetri Vestmannaeyja
Fara í flakk Fara í leit
Prentvæn útgáfa er ekki lengur studd og gæti verið með myndgerðarvillur. Uppfærðu bókamerki vafrans þíns og notaðu frekar sjálfgefna prentunaraðgerð vafrans.

Efnisyfirlit 1958



Séra HALLDÓR KOLBEINS


Gagnfræðaskóli Vestmannaeyja er vígi



Kvæði þetta flutti höfundurinn, séra Halldór Kolbeins, skólanum 9. febrúar s.l., er gagnfræðadeild skólans var slitið.

Lag: Hvað er svo glatt.

Gagnfræðaskóli Vestmannaeyja er vígi,
sem vel kann svala göfgri menntaþrá.
Sá er hann vinur hugsjónanna hlýi,
sem hollan styður vilja til að sjá,
að þjóðarheill er þjóðleg skólakenning,
að þróttur viljans sigri mannlífsþraut.
Hans góða starf fyrir’ göfga, sanna menning
skal gefa yndi og ljós á ævibraut.


Nú, vinir, heill og hamingja yður leiði
og hljótið góðan frama á ævibraut.
Og dyggðirnar og djörfung burtu eyði
þeim döprum sið, er gerir lífið þraut.
Þér vökumenn á verði skuluð standa
og vaskir njóta þess, sem bezt er til.
Sé ljós Guðs anda lausn úr hverjum vanda
og láti yður vita á frelsi skil.


Ofanleiti í Vestmannaeyjum, 9. febrúar 1958.
Halldór Kolbeins.