Anna Jónsdóttir (Blátindi)

Úr Heimaslóð, Sögusetri Vestmannaeyja
Útgáfa frá 2. desember 2017 kl. 18:29 eftir Viglundur (spjall | framlög) Útgáfa frá 2. desember 2017 kl. 18:29 eftir Viglundur (spjall | framlög)
Fara í flakk Fara í leit
Þorsteinn og Anna

Anna Jónsdóttir fæddist á Brekku í Vestmannaeyjum 11. október 1917 og lést 9. júlí 2007. Foreldrar hennar voru Stefanía Einarsdóttir húsmóðir og Jón Ólafsson útvegsbóndi. Systkini Önnu voru Emilía Eygló Jónsdóttir alsystir, Ólafur Jónsson hálfbróðir þeirra, Magnús Jónsson fósturbróðir og Guðrún Sigurðardóttir uppeldissystir þeirra.

Eiginmaður Önnu var Þorsteinn Sigurðsson, Þau giftust 23. nóvember 1940. Dætur þeirra eru Sigrún og Stefanía.

Þau byggðu sér hús við Heimagötu, sem nefnt var Blátindur. Það fór undir hraun og byggðu þau annan Blátind við Illugagötu.

Frekari umfjöllun

Anna Ólafía Jónsdóttir húsfreyja á Blátindi fæddist 11. október 1917 og lést 9. júlí 2007.
Foreldrar hennar voru Jón Ólafsson útvegsbóndi á Hólmi, f. 7. mars 1892, d. 21. desember 1946 og kona hans Stefanía Einarsdóttir húsfreyja á Hólmi, f. 26. apríl 1892, d. 19. mars 1972.

Systkini Önnu voru:
1. Emilía Eygló Jónsdóttir húsfreyja í Bandaríkjunum, f. 25. október 1925, d. 5. júlí 2009. Maður hennar var Guðni Kristinn Gunnarsson Marels Jónssonar og Sigurlaugar Pálsdóttur, efnaverkfræðingur og verksmiðjustjóri hjá Coldwater Seafood Corporation í Bandaríkjunum, - frá Brúarhúsi (Horninu, Vestmannabraut 1), f. 25. október 1925, d. 10. júlí 1984.
2. Hjá Stefaníu og Jóni ólst upp frá barnsaldri Guðrún Sigurðardóttir, Hólmi, síðar á Blátindi, f. 7. september 1912, d. 29. janúar 1998. Hún var dóttir Sigurðar Jónssonar formanns í Fagurhól, f. 17. september 1883, sem fórst með v.b. Geysi 2. febrúar 1914, og konu hans Þórönnu Ögmundsdóttur verkalýðsfrömuðar, f. 2. desember 1874, d. 16. maí 1959.
3. Hálfbróðir Önnu (samfeðra) var Ólafur Jónsson, f. 3. nóvember 1940. Móðir hans var Guðrún Ingibjörg Sigurjónsdóttir, f. 31. ágúst 1903, d. 21. apríl 1988.

Maður Önnu var Þorsteinn Sigurðsson frá Melstað, útgerðarmaður og frystihússeigandi, f. 14. nóvember 1913, d. 19. júní 1997.<br

Börn Önnu og Þorsteins :
1. Sigrún, fædd 2. september 1941.
2. Stefanía, fædd 26. janúar 1944.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.