Þorsteinn Gísli Þorsteinsson
Þorsteinn Gísli Þorsteinsson rafvirkjameistari fæddist 22. nóvember 1943 og lést 17. ágúst 2022.
Foreldrar hans voru Þorsteinn Kristinn Gíslason frá Görðum, skipstjóri, f. 5. maí 1902 á Eskifirði, d. 21. maí 1971, og kona hans Guðrún Lilja Ólafsdóttir frá Strönd, húsfreyja, f. þar 30. júlí 1911, d. 2. apríl 1993.
Börn Lilju og Þorsteins:
1. Guðrún Sigríður Þorsteinsdóttir, f. 6. ágúst 1931, d. 27. mars 2012.
2. Gísli Guðni Þorsteinsson, f. 14. september 1932, d. í júní 1933.
3. Erna Þorsteinsdóttir, f. 18. ágúst 1936. d. 2. janúar 2012.
4. Hulda Þorsteinsdóttir, f. 16. febrúar 1940.
5. Þorsteinn Gísli Þorsteinsson, f. 22. nóvember 1943, d. 17. ágúst 2022.
6. Ólafur Diðrik Þorsteinsson, f. 14. janúar 1951, d. 11. október 1997.
Þorsteinn var með foreldrum sínum í æsku.
Hann varð 4. bekkjar gagnfræðingur í Gagnfræðaskólanum 1960, lærði rafvirkjun í Iðnskólanum og í Kjarna. Meistari hans var Ólafur Oddgeirsson. Hann varð sveinn 1966, fékk meistarabréf 1969, lágspennulöggildingu 1970. Hann sat ýmis námskeið í greininni.
Þorsteinn vann í Kjarna til 1970, þá í faginu í Vinnslustöðinni til 1981. Hann var síðan með sjálfstæðan rekstur í fyrirtæki sínu Rafvirkjanum til 1999. Eftir það vann hann hjá Rafveitunni, sem varð Bæjarveitur og síðan Hitaveita Suðurnesja eftir sameininguna og vann þar til starfsloka sjötugur.
Þau Eygerður Anna giftu sig 1967, eignuðust fjögur börn. Þau bjuggu á Heiðarvegi 48 meðan þau byggðu húsið við Hrauntún 15 og bjuggu þar síðan.
I. Kona Þorsteins Gísla, (7. október 1967), er Eygerður Anna Jónasdóttir húsfreyja, f. 17. febrúar 1947 á Hásteinsvegi 28.
Börn þeirra:
1. Jónas Þór Þorsteinsson rafvirki, f. 29. febrúar 1968. Kona hans Ingunn Ársælsdóttir.
2. Ingibjörg Þorsteinsdóttir leikskólakennari, starfsmaður á leikskólanum Sóla, f. 20. nóvember 1972. Maður hennar Lúðvík Jóhannesson.
3. Héðinn Þorsteinsson rekstrarfræðingur, starfsmaður hjá Mílu, f. 29. október 1975. Kona hans Guðlaug Gísladóttir.
4. Eyþór Gísli Þorsteinsson rafmagns- og tölvuverkfræðingur, starfsmaður hjá Menn og mýs í Kópavogi, f. 18. desember 1984. Kona hans Sigríður Rós Einarsdóttir úr Reykjavík.
Heimildir
- Samantekt: Víglundur Þór Þorsteinsson.
- Eygerður Anna og Þorsteinn Gísli.
- Íslendingabók.
- Prestþjónustubækur.
- Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.
Þessi grein tilheyrir Æviskrám Eyjafólks eftir Víglund Þór Þorsteinsson.