Þóra Björk Ólafsdóttir
Þóra Björk Ólafsdóttir húsfreyja, kennari fæddist 14. ágúst 1961 í Reykjavík.
Foreldrar hennar voru Ólafur Guðmundsson frá Steinsstöðum á Djúpavogi, sjómaður, síðar verkamaður, hafnarvörður í Hafnarfirði, f. 24. júní 1927, d. 7. september 2016, og kona hans Rósa Sigríður Guðmannsdóttir frá Tungufelli í Svarfaðardal, húsfreyja, f. 15. ágúst 1941.
Þóra varð stúdent í Flensborgarskóla 1980, lauk kennaraprófi 1985.
Hún var kennari í Hamarsskóla í Eyjum frá 1985-1987, í Lækjarskóla í Hafnarfirði 1987-1988. Hún vann síðar hjá Hydrol, í Óseyri í nokkur ár og hjá Sólvangi.
Þóra Björk vann í leikskólanum við Vesturgötu í Hafnarfirði frá árinu 2000 og var þar deildarstjóri.
Þau Sigurjón giftu sig 1984, eignuðust fjögur börn. Þau bjuggu við Áshamar 67, fluttu til Hafnarfjarðar 1987.
I. Maður Þóru, (29. desember 1984), er Sigurjón Óli Sigurðsson frá Þingeyri, netagerðarmaður, f. 3. september 1952.
Börn þeirra:
1. Rut Sigurjónsdóttir skurðhjúkrunarfræðingur, f. 8. ágúst 1986. Sambúðarmaður hennar er Sverrir Þór Teitsson.
2. Ólafur Sigurjónsson húsamiður, f. 19. júlí 1988. Kona hans Kristín Rut Friðriksdóttir.
3. Jóhanna Sigurjónsdóttir klinikdama hjá tannlækni, er í sjúkraliðanámi, f. 4. júlí 1990. Fyrrum sambúðarmaður hennar Jón Orri Edvald.
4. Sigurður Sigurjónsson húsasmiður, f. 12. maí 1993.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Prestþjónustubækur.
- Þóra Björk.
Þessi grein tilheyrir Æviskrám Eyjafólks eftir Víglund Þór Þorsteinsson.