Ólafur Vigfússon (Gíslholti)

Úr Heimaslóð, Sögusetri Vestmannaeyja
Útgáfa frá 27. desember 2019 kl. 19:28 eftir Viglundur (spjall | framlög) Útgáfa frá 27. desember 2019 kl. 19:28 eftir Viglundur (spjall | framlög) (Verndaði „Ólafur Vigfússon (Gíslholti)“ ([Breyta=Leyfa aðeins stjórnendur] (ótiltekinn) [Færa=Leyfa aðeins stjórnendur] (ótiltekinn)))
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit
Ólafur og Kristín.

Ólafur Vigfússon, Gíslholti, fæddist undir Eyjafjöllum 21. ágúst 1891 og lést 15. maí 1974. Kona Ólafs var Kristín Jónsdóttir. Þau bjuggu að Gíslholti við Landagötu og áttu börn og buru. Afkomendur Ólafs og Kristínar eru margir og búa flestir í Vestmannaeyjum.

Árið 1911 fór Ólafur til Vestmannaeyja og árið 1920 hóf hann formennsku á Heklu. Eftir það var Ólafur með ýmsa báta, þar á meðal Skallagrím, Óskar og Skúla fógeta. Formennsku gegndi hann allt til ársins 1950.

Loftur Guðmundsson samdi eitt sinn formannsvísu um Ólaf:

Ólaf á Skúla ölduslark
ægir lítt né tefur,
við sædrif, vos og veðrahark,
vanist löngum hefur.

Óskar Kárason samdi einnig um Ólaf:

Fúsa Óli fer á ról
fár þó gjóli tíðum,
Skúla sjóli sævarból
sigli kjóli fríðum.

Heimildir

  • Óskar Kárason. Formannavísur. Vestmannaeyjum, 1950.
  • Sjómannablaðið Víkingur. Farmanna- og Fiskimannasamband Íslands.
  • Sjómannadagsblað Vestmannaeyja. 1995.

Ólafur og Kristín.

=Frekari umfjöllun

Ólafur Gísli Vigfússon frá Raufarfelli undir Eyjafjöllum, skipstjóri í Gíslholti fæddist 21. ágúst 1891 að Raufarfelli og lést 15. maí 1974.
Foreldrar hans voru Vigfús Jónsson bóndi, f. 30. nóvember 1861, d. 10. desember 1894 og kona hans Kristín Brandsdóttir húsfreyja, ljósmóðir, f. 15. júní 1855, d. 4. október 1919.

Bróðir Ólafs var Guðjón, síðar bóndi á Raufarfelli, faðir
1. Sigríðar Guðjónsdóttur húsfreyju í Pétursborg.

Ólafur var á fjórða árinu, er faðir hans lést. Kristín móðir hans hélt áfram búskap, síðar með Guðjóni syni sínum, sem var ráðsmaður á búinu, síðar bóndi þar.
Við manntal 1910 var Kristín 12 ára vikastúlka þar og Ólafur 19 ára vinnumaður, sláttumaður.
Þau Kristín eignuðust Vigfús á Rauðafelli 1918 og Kristínu 1921.
Þau giftu sig 1921 og fluttust til Eyja 1922, bjuggu á Vesturhúsum við fæðingu Jónu Margrétar 1924 og bjuggu þar við húsvitjun á því ári, voru flutt í Gíslholt, nýbyggt hús sitt síðari hluta ársins og bjuggu þar síðan meðan báðum entist líf.
Ólafur hafði stundað sjómennsku í Eyjum frá 1911, varð formaður á Heklu VE-115 1920, en síðar m.a. á Skallagrími og Óskari, en lengst á Skúla fógeta. Að síðust var hann um skeið með Þráinn, en hætti sjómennsku rúmlega sextugur.
Kristín kona hans lést 1969.
Ólafur bjó með Kristnýju dóttur sinni í Gíslholti til Goss, en síðan í Birkihlíð 11 hjá Sigríði dóttur sinni og Tryggva Sigurðssyni.
Ólafur lést 1974.

I. Kona Ólafs, (3. desember 1921), var Kristín Jónsdóttir frá Miðbælisbökkum u. Eyjafjöllum, húsfreyja, f. 22. mars 1898, d. 19. apríl 1969.
Börn þeirra:
1. Vigfús Ólafsson kennari, skólastjóri, f. 13. apríl 1918 að Raufarfelli u. A-Eyjafjöllum, d. 25. október 2000.
2. Kristný Ólafsdóttir fiskverkakona, f. 8. júlí 1921 að Raufarfelli u. Eyjafjöllum, d. 24. nóvember 2006.
3. Jóna Margrét Ólafsdóttir, f. 13. apríl 1924 á Vesturhúsum, d. 4. ágúst 1944.
4. Sveinn Ágúst Ólafsson útgerðarmaður, ,,trillukarl“, f. 1. ágúst 1927 í Gíslholti, d. 29. júlí 2003.
5. Sigríður Ólafsdóttir húsfreyja, f. 22. júlí 1931 í Gíslholti, d. 30. júní 2018.
6. Guðjón Þorvarður Ólafsson skrifstofumaður, gjaldkeri, myndlistarmaður, bæjarlistamaður, ,,trillukarl“, f. 1. nóvember 1935 í Gíslholti.
Fóstursonur Kristínar og Ólafs, sonur Jónu Margrétar:
7. Jón Ólafur Vigfússon vélstjóri, forstjóri í Hafnarfirði, f. 18. júlí 1944.

Myndir


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.