Willum Andersen

From Heimaslóð
Jump to: navigation, search
Willum Andersen.jpg

Willum Jörgen Andersen fæddist 30. september 1910 og lést 17. júlí 1988. Foreldrar hans voru Pétur Andersen og Jóhanna Guðjónsdóttir. Hann átti 7 systkini.

Eiginkona hans hét Guðrún Ágústa Ágústsdóttir. Þau bjuggu á Hásteinsvegi 6 (Kiðjaberg) og 8, og á Heiðarvegi 55. Börn þeirra voru Guðrún Andersen f. 1933, Jóhanna Andersen f. 1938, Ágústa Þyrí Andersen f. 1941 d. 2006, Willum Pétur Andersen f. 1944 og Halla Júlía Andersen f. 1953.

Willum byrjaði formennsku á m/b Geir goða 1933, Herjólf ´34, Friðþjóf ´35, Skógafoss VE 236, 1936-1939, Gulltopp´40, Herjólf, Leó, Skógafoss VE 320, 1945-1953, Metu 1954-1959, Metu II., 1960-1967.

Óskar Kárason samdi formannavísu um Willum:

Villúm skýr á Skógafoss
skafnar drafnir klýfur.
Margan hlýtur kylju koss
kappinn sjó við stífur.

Óskar Kárason samdi seinna aðra vísu um hann:

Andersen Villum venur
víðinn á Metu fríða.
Drengurinn fiski fenginn
finnur í sóknum stinnur,
sjúps þó að dætur hjúpi
duggu í brima muggu.
Glettinn er grérinn nettur,
greindur við sjó og reyndur.

Myndir



Heimildir

  • Óskar Kárason. Formannavísur. Vestmannaeyjum, 1950.
  • Óskar Kárason. Formannavísur II. Vestmannaeyjum, 1956.
  • Gísli Eyjólfsson frá Bessastöðum.