Vilhjálmur Einar Magnússon (Presthúsum)

From Heimaslóð
Jump to: navigation, search

Vilhjálmur Einar Magnússon frá Presthúsum fæddist 6. september 1887 og lést 25. september 1953.
Foreldrar hans voru Magnús Vigfússon bóndi í Presthúsum, f. 1. október 1854, d. 13. ágúst 1926, og kona hans Sigríður Þorsteinsdóttir húsfreyja, f. 21. mars 1845, d. 18. október 1907.

Börn Magnúsar og Sigríðar voru:
1. Guðrún Helga , f. 5. júní 1878. Hún fór til Vesturheims.
2. Guðmundur á Löndum, f. 15. september 1880 í Dölum, d. 19. mars 1952 í Reykjavík.
3. Sigfús Magnússon, f. 20. desember 1881 á Vilborgarstöðum, d. 13. janúar 1882 úr „krampa“.
4. Jórunn Ingileif, f. 10. október 1883, d. 14. júlí 1962, gift Guðmundi Guðmundssyni í Ey, f. 6. júlí 1864, d. 24. nóvember 1928.
5. Vilhjálmur Einar, f. 6. september 1887, d. 25. september 1953.

Vilhjálmur Einar var með fjölskyldu sinni í Presthúsum 1890, var hjá Sigurði föðurbróður sínum og Þorgerði á Fögruvöllum 1901.
Hann var húsmaður á Nýlendu 1909 með Guðbjörgu Jónsdóttur og barni hennar nýfæddu.
Vilhjálmur var leigjandi, útgerðarmaður og sjómaður í Litlabæ 1910.
Hann fluttist til Reykjavíkur, var húsbóndi á Bergþórugötu 12 1920 með Ólöfu Eiríksdóttur húsfreyju. Með þeim var Lydia Pálmarsdóttir, dóttir Ólafar, f. 1918.
Þau bjuggu á Haðarstíg 6 1931 með Lydíu og fósturbarnið Jóhann Ingva Einarsson, f. 26. februar 1925 í Ey. Hann var sonur Sigríðar Magnúsínu Guðmundsdóttur frá Ey, en Jórunn móðir hennar og Vilhjálmur voru systkini.
Vilhjálmur Einar stundaði verkamannastörf í Reykjavík, lést 1953.

Kona Vilhjálms Einars, (20. apríl 1922), var Ólöf Eiríksdóttir húsfreyja, f. 20. september 1883, d. 12. apríl 1964.
Fósturbörn Vilhjálms Einars voru:
1. Lydía Pálmarsdóttir, f. 11. september 1918, dóttir Ólafar.
2. Jóhann Ingvi Einarsson, f. 26. februar 1925, d. 1939.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.