Una G.R. Jóhannesdóttir (Reynifelli)
Una Guðríður Rósamunda Jóhannesdóttir húsfreyja í Uppsalakoti í Svarfaðardal, síðar á Reynifelli og í Stakkholti fæddist 19. október 1869 á Kvíslarhóli á Tjörnesi, S-Þing. og lést 24. mars 1939.
Foreldrar hennar voru Jóhannes Tómasson vinnumaður, f. 27. október 1830 og Hallfríður Kristjánsdóttir, síðar húsfreyja, f. 12. apríl 1844, d. 6. júlí 1886.
Una var niðursetningur í Jóhannesarbæ í Húsavíkursókn 1880, vinnukona á Akureyri 1890. Hún var húsfreyja í Uppsalakoti í Svarfaðardal um 1895-1912, flutti þá ásamt fjölskyldu fljótlega til Fáskrúðsfjarðar. Gunnlaugur lést 1914. Una og var þar til 1921.
Hún fluttist til Eyja með Hirti syni sínum 1921, bjó með honum á Reynifelli, Vesturvegi 15b 1927 og 1930, í Stakkholti 1934.
Una lést 1939.
Maður Unu var Gunnlaugur Pálsson bóndi, f. 14. janúar 1867 í Urðasókn í Svarfaðardal, d. 28. ágúst 1914.
Börn þeirra:
1. Margrét Vigdís Gunnlaugsdóttir húsfreyja í Hruna, f. 6. janúar 1898 í Uppsalakoti, d. 19. júlí 1965.
2. Petra Ingibjörg Gunnlaugsdóttir, f. 18. ágúst 1900. Hún flutti með móður og föður til Fáskrúðsfarðar.
3. Hjörtur Gunnlaugsson sjómaður, f. 9. júní 1906 í Uppsalakoti, d. 1. janúar 1968.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.