Tómas Ólafsson (Nýborg)

From Heimaslóð
Jump to: navigation, search

Tómas Ólafsson í Nýborg, frá Leirum u. Eyjafjöllum, síðar á Seyðisfirði, fæddist 1. marz 1869 í Varmahlíð u. Eyjafjöllum.

Ætt og uppruni

Foreldrar hans voru Ólafur bóndi í Varmahlíð u. Eyjafjöllum, flutti 1872 að Leirum í Steinasókn og er þar 1880 og 1890, f. um 1827, Ólafsson bónda í Hlíð u. Eyjafjöllum, Sigurðssonar og konu Ólafs í Hlíð, Helgu húsfreyju, f. 1791 í Stóra-Dalssókn, Eiríksdóttur. Móðir Tómasar og kona Ólafs í Varmahlíð var Guðrún húsfreyja, f. um 1828, Tómasar smiðs og bónda í Varmahlíð, Þórðarsonar og konu Tómasar, Margrétar húsfreyju, f. 1796, Jónsdóttur.
Guðrún móðir Tómasar var systir Þórðar föður Ágústínu konu Lofts Jónssonar á Vilborgarstöðum.

Æviferill

Tómas var lengi vinnumaður í Nýborg hjá Sigurði Sveinssyni snikkara. Þar var hann 1890 og 1901. Á árinu 1898 var hann í Nýborg, við fæðingu Jóns Magnúsar var hann til heimilis í Hlíðarhúsi, en á Gjábakka við fæðingu Jóhanns Ólafs. Tómas fluttist síðar til Seyðisfjarðar, lenti í skipshrakningum og lézt af völdum þeirra. Tómas var asalaus. Um hann var kveðið:

Tómas aldrei hefur hátt,
hátt þó aðrir masi,
situr, brosir, segir fátt
Sigurðar við þrasi.

Maki I, barnsmóðir: Magnúsína Magnúsdóttir, f. 1867, d. 1953.
Barn þeirra var
1. Jón Magnús Tómasson, f. 11. september 1896 í Frydendal, d. 1. mars 1977.

Maki II, barnsmóðir: Steinunn Ísaksdóttir frá Seljalandi, þá í Nýborg, f. 1856, d. 1920.
Barn þeirra var
2. Jóhann Ólafur Tómasson, f. 13. febr. 1893, d. 24. desember 1929.

Maki III, barnsmóðir: Jóhanna Ólafsdóttir, þá ógift í Frydendal.
Barn þeirra var
3. Davíð Tómasson, f. 8. október 1898, d. 8. febrúar 1899 í Frydendal.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.