Tómasína Elín Eiríksdóttir

Úr Heimaslóð, Sögusetri Vestmannaeyja
Fara í flakk Fara í leit

Tómasína Elín Eiríksdóttir húsfreyja á Nýlendu við Vestmannabraut 42 og á Fífilgötu 5 fæddist 22. júlí 1889 og lést 6. október 1941.
Faðir hennar var Eiríkur bóndi á Eyvindarstöðum á Álftanesi 1890, f. 3. ágúst 1844, d. 24. nóvember 1920, Tómasson bónda í Ráðagerði í Garðasókn, Gull. 1845, f. 18. apríl 1813, d. 1890, Gíslasonar bónda á Setbergi við Hafnarfjörð 1816, í Ráðagerði í Garðasókn 1840, f. 13. janúar 1768 á Breiðabólsstöðum í Garðasókn, Jónssonar, og konu Gísla á Setbergi, Þóru Daníelsdóttur húsfreyju, f. 1773 á Hausastöðum, d. 1858.
Móðir Eiríks á Eyvindarstöðum og kona Tómasar í Ráðagerði var Signý húsfreyja, f. í Garðasókn 27. febrúar 1817, d. 10. júlí 1848, Eiríksdóttir og barnsmóðir Eiríks, Helga Magnúsdóttir, f. 1778, d. 1852, Ófeigssonar.

Móðir Tómasínu og kona Eiríks á Eyvindarstöðum var Vigdís húsfreyja, f. 10. janúar 1848, d. 23. október 1893, Jónsdóttir bónda í Sviðholti á Álftanesi 1850, f. 23. febrúar 1808, d. 1. nóvember 1872, Gíslasonar bónda á Setbergi við Hafnarfjörð 1816, í Ráðagerði í Garðasókn 1840, f. 13. janúar 1768 á Breiðabólsstöðum í Garðasókn, Jónssonar, og konu Gísla á Setbergi, Þóru Daníelsdóttur húsfreyju, f. 1773 á Hausastöðum, d. 1858.
Foreldrar Tómasínu voru því systkinabörn.
Móðir Vigdísar og kona Jóns Gíslasonar í Sviðholti var Júlíana Hallbera húsfreyja og ljósmóðir, f. 13. október 1813, d. 19. mars 1888, Jónsdóttir „yngri“, fyrsta lögregluþjóns í Reykjavík, f. 1780, Benjamínssonar, og barnsmóður Jóns, Ragnheiðar, húsfreyju og ljósmóður í Þorsteinshúsi í Reykjavík 1845, f. 1792, d. 26. febrúar 1868, Ólafsdóttur.

Tómasína fluttist til Eyja 1916 og bjó með Sveinbirni og barninu Guðrúnu á Nýlendu 1920.
Þau byggðu húsið Fífilgötu 5 með Halldóri Guðjónssyni, síðar skólastjóra og bjuggu þar til ársins 1930.

Maður Tómasínu var Sveinbjörn Jónsson rafstöðvarstjóri, f. 16. mars 1889, d. 6. apríl 1930.

Barn Sveinbjörns og Tómasínu var Guðrún Vigdís, f. 15. mars 1917, d. 7. janúar 2009, gift Magnúsi Gísla Gíslasyni stórkaupmanni, f. 22. nóvember 1917, d. 9. október 1980.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.