Snæbjörn Björnsson (Ofanleiti)

Úr Heimaslóð, Sögusetri Vestmannaeyja
(Endurbeint frá Snæbjörn Björnsson)
Fara í flakk Fara í leit

Snæbjörn Björnsson var prestur að Ofanleiti frá árinu 1825 til 1827. Hann var fæddur 12. maí árið 1800 að Hítardal. Foreldrar hans var séra Björn Benediktsson í Hítardal og kona hans Solveig Ásgeirsdóttir, prests að Stað í Steingrímsfirði, Jónssonar.

Snæbjörn varð stúdent frá Bessastaðarskóla. Síðan í þjónustu Sigurðar landfógeta Thorgrimsens í þrjú ár og tvö ár í þjónustu Ólafs sýslumanns Finsen. Tók prestvígslu 1825 og fékk veitingu fyrir Ofanleiti 1826, en andaðist þar eftir rúmlega eins árs prestþjónustu, í byrjun árs 1827. Kona hans var Ingibjörg Jakobsdóttir í Kaupangi, Þorvaldssonar og áttu þau þrjú börn. Ingibjörg giftist seinna Jónasi Vestmann, bónda og smið að Vesturhúsum í Vestmannaeyjum.


Heimildir

  • Guðlaugur Gíslason: Eyjar gegnum aldirnar. Frásagnir af mannlífi og atburðum í Vestmannaeyjum frá gamalli tíð og nýrri. Reykjavík, 1982.