Sjómannadagsblað Vestmannaeyja 1986/Kynningarferð á vegum Simrad

Úr Heimaslóð, Sögusetri Vestmannaeyja
Fara í flakk Fara í leit
Kynningarferð á vegum Simrads


Skólaskip Simrads

Í desember síðastliðnum buðu Friðrik A. Jónsson hf. og Simrad nokkrum skipstjórnarmönnum til Noregs og Madeira til að kynna sér nýjustu asdictölvu sem Simrad framleiðir. svo og önnur fiskileitartæki og staðsetningarkerfi.
Fyrst var haldið til Öslóar og þaðan til Hortens þar sem aðalverksmiðjan er. Vorum við þar í tvo daga í besta yfirlæti, en þá var haldið til Oslóar á ný. Frá Osló var haldið í beinu flugi til Madeira og tók það sex tíma með millilendingu á Spáni. Madeira er smáeyja sem tilheyrir Portúgal. Eyjan er öll gróðri vaxin frá sjó og upp á efsta topp sem er í 1869 m hæð. Simrad hefur tilraunabát sinn þarna suður frá í vetur ásamt verkfræðingum sem eru að hanna ný tæki.
Námskeiðið, sem við sóttum, stóð í fimm daga. Skiptumst við á við norsku skipstjórana sem voru í hópnum að annast daginn í kennslustofunni frá kl. 9 að morgni til hádegis. Þá var haldið um borð í bátinn og verið þar til kvölds.
Eg tel að námskeið af þessu tagi séu skipstjórnarmönnum mjög gagnleg og í þessu tilfelli veit ég allir voru mjög ánægðir með þann lærdóm sem við fengum. Við sem þessa ferð fórum eru umbjóðendum Simrads mjög þakklátir fyrir þessa daga sem verða okkur ógleymanlegir. Mættu aðrir tækjaframleiðendur taka sér þá til fyrirmyndar við að kenna mönnum að nota þau tæki sem þeir eru að selja.
Guðjón Pálsson, skipstjóri

Allur hópurinn, Norðmenn og Íslendingar