Sjómannadagsblað Vestmannaeyja 1958/ Formannavísur frá 1821

FORMANNAVÍSUR FRÁ 1821

eftir Jón skálda.

Kjarnagrundar göltinn mund

gæfu bundin leiðir,

marga stund við bárublund

brjóstum undan freyðir.

Magnús biður: Legg mér lið,

lofðung, grið sem veitir,

þá ég iðinn fer með Frið

í fiskimiða-leitir.

Krókinn egnir, einatt fregn,

af hans vegnun dunar,

afla þegn með öruggt megn

öldur gegnum brunar.

Andar hvasst að kyljukast

kaðal basta síum,

hafs um rastir hentugast

hauki mastra nýjum.

Himnaræfurs herra, svæf

háskann sævar vega,

svo fólki hæfi frama gæf

farsæld ævinlega.

• Efnisyfirlit: Sjómannadagsblað Vestmannaeyja