Sigurður Stefánsson (sýslumaður)

From Heimaslóð
Jump to: navigation, search

Sigurður Stefánsson, sýslumaður 1723 til 1738. Foreldrar hans voru Stefán Þórarinsson og Vilborg Guðmundsdóttir úr Meðallandi, Vigfússonar. Hann ólst upp í Skarðshjáleigu í Mýrdal hjá Þorleifi lögréttumanni Einarssyni. Hann var fyrst settur sýslumaður í Vestmannaeyjum 1723 en fékk veitingu fyrir sýslunni 1727 og hélt henni til 1738. Kona hans var Þórunn Jónsdóttir, launsonar Ólafs sýslumanns Einarssonar. Þau bjuggu að Oddsstöðum í Vestmannaeyjum og áttu saman 10 börn.


Heimildir

  • Guðlaugur Gíslason: Eyjar gegnum aldirnar. Frásagnir af mannlífi og atburðum í Vestmannaeyjum frá gamalli tíð og nýrri. Reykjavík, 1982.