Sigurður Jónsson (Stakkagerði)

From Heimaslóð
Jump to: navigation, search

Sjá aðgreiningarsíðuna fyrir aðra sem hafa borið nafnið „Sigurður Jónsson

Sigurður Jónsson bóndi í Hallgeirsey í A-Landeyjum, síðar í dvöl hjá Sesselju dóttur sinni í Stakkagerði, fæddist 1773 í Hallgeirseyjarhjáleigu í A-Landeyjum og lést 24. janúar 1856 í Eyjum.
Faðir hans var Jón bóndi og formaður í Hallgeirsey, f. 1737, d. 1815, Ólafsson bónda á Kirkjulandi í A-Landeyjum, f. 1701, Ólafssonar (fyrri) bónda þar, f. 1651, Ólafssonar, og konu Ólafs fyrri, Guðfinnu húsfreyju, f. 1671, Magnúsdóttur.
Móðir Jóns í Hallgeirsey og kona Ólafs var Hallbera húsfreyja, f. 1701, á lífi 1733, Jónsdóttur bónda á Eystri-Hól í V-Landeyjum, f. 1663, Þorleifssonar, og konu Jóns á Eystri-Hól, Þuríðar húsfreyju, f. 1661, Eyjólfsdóttur.

Móðir Sigurðar í Hallgeirsey og kona Jóns í Hallgeirsey var Jórunn húsfreyja, f. 1737 í Álfhólahjáleigu í V-Landeyjum, d. 17. júlí 1826, Sigurðardóttir bónda smiðs og formanns á Búðarhóli, f. 1702, d. 29. maí 1783 í Þerney í Kollafirði, Þorkelssonar bónda í Álfhólahjáleigu, f. 1657, Þorgautssonar, og konu hans, Þórnýjar húsfreyju, f. 1664, Þórðardóttur.
Móðir Jórunnar og kona Sigurðar á Búðarhóli var Margrét húsfreyja, f. 1709, á lífi 1745, Guðmundsdóttir bónda í Álfhólum, f. 1682, Gíslasonar, og konu hans, Sigríðar húsfreyju, f. 1685, Hróbjartsdóttur.

Kona Sigurðar í Hallgeirsey var Kristín húsfreyja og ljósmóðir, f. 1775, d. 30. maí 1859, Ólafsdóttir bónda á Snotru í A-Landeyjum, f. 1735, d. 27. nóvember 1813, Magnússonar bónda á Kirkjulandi, f. 1702, á lífi 1763, Ólafssonar bónda á Kirkjulandi, f. 1651, á lífi 1709, Ólafssonar, og fyrri konu Ólafs á Kirkjulandi, Guðfinnu húsfreyju, f. 1671, Magnúsdóttur.
Móðir Kristínar og kona Ólafs á Snotru var Sigríður húsfreyju á Snotru í A-Landeyjum, f. 1746, d. 1823, Sigurðardóttir bónda smiðs og formanns á Búðarhóli, f. 1702, d. 29. maí 1783 í Þerney í Kollafirði, Þorkelssonar bónda í Álfhólahjáleigu, f. 1657, Þorgautssonar, og konu Þorkels, Þórnýjar húsfreyju, f. 1664, Þórðardóttur.

Sigurður var bóndi á Skíðbakka í A-Landeyjum 1798-1799, á Syðri-Úlfsstöðum þar 1800-1802 í Skíðbakkahjáleigu þar 1802-1810 og í Hallgeirsey þar 1810-1846.
Hann fluttist til Eyja 1846 og dvaldi þar hjá Sesselju í Stakkagerði. Hann lést 1856.

Börn Sigurðar og Kristínar í Eyjum voru
1. Sesselja Sigurðardóttir húsfreyja og ljósmóðir í Stakkagerði, f. 14. október 1805, d. 31. mars 1860, gift Jóni Gíslasyni.
2. Guðrún Sigurðardóttir húsfreyja í Fredensbolig, f. 14. maí 1814, d. 16. júlí 1842, fyrri kona Lars Tranberg.
Fósturbarn þeirra var
3. Sigríður Jónsdóttir húsfreyja í Gvendarhúsi, f. 2. júlí 1832, d. 2. janúar 1912.


Heimildir

  • Samantekt: Víglundur Þór Þorsteinsson.
  • Heimaslóð.
  • Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Manntöl.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.