Sigríður Guðrún Eyjólfsdóttir (Draumbæ)

From Heimaslóð
Jump to: navigation, search

Sigríður Guðrún Eyjólfsdóttir húsfreyja í Draumbæ fæddist 8. nóvember 1879 í Brautarholtssókn í Kjósarsýslu og lést 28. apríl 1950.
Faðir hennar var Eyjólfur bóndi á Hausastöðum, f. 20. mars 1850 í Garðasókn, d. 22. nóvember 1916, Eyjólfsson bónda á Hausastöðum og Katrínarkoti í Garðasókn, f. 4. nóvember 1822, d. 21. september 1897, Jónssonar grashúsmanns í Tómthúsi við Hausastaði þar 1845, f. um 1798, Jónssonar, og konu Jóns Jónssonar, Katrínar húsfreyju, f. 1795, d. 25. desember 1847, Eyjólfsdóttur.
Móðir Eyjólfs Eyjólfssonar og kona Eyjólfs Jónssonar á Hausastöðum var Ingibjörg húsfreyja, f. 1822, d. 4. mars 1890, Þórarinsdóttir.

Móðir Sigríðar Guðrúnar og kona Eyjólfs (1886) var Sigrún húsfreyja á Gufuskálum á Reykjanesi 1890, f. 30. nóvember 1854 í Garðasókn, d. 23. mars 1913, Halldórsdóttir bónda og grashúsmanns á Hvaleyri við Hafnarfjörð 1850 og 1860, f. 1808 á Syðri-Reykjum í Biskupstungum, d. 24. maí 1877, Jónssonar bónda á Syðri-Reykjum 1801, 1816 og 1835, Þórðarsonar, og konu Jóns Þórðarsonar, Guðrúnar húsfreyju, f. 1769 á Rafnkelsstöðum í Hrunamannahreppi, d. 3. desember 1850, Þórðardóttur.
Móðir Sigrúnar og kona Halldórs var Sigríður húsfreyja á Hvaleyri, f. 1810, d. 1879, Guðmundsdóttir, f. 1778, d. 19. apríl 1834, Ásbjarnarsonar.

Sigríður Guðrún var á Gufuskálum í Útskálasókn, Gull. 1890.
Hún fluttist til Eyja 1899 og þau Sæmundur giftust 8. nóvember 1901.
Húsfreyja í Draumbæ var hún 1910 og síðar.

Maður Sigríðar Guðrúnar var (1901) Sæmundur Ingimundarson bóndi í Draumbæ, f. 1. september 1870, d. 22. október 1942.

Börn Sigríðar Guðrúnar og Sæmundar:
1. Sigrún, fædd 18. apríl 1902, d. 10. apríl 1989.
2. Kristmundur, fæddur 1. nóvember 1903, dáinn 21. ágúst 1981.
3. Rósa, fædd 26. september 1907, dáin 25. október 1984.
4. Katrín, fædd 15. desember 1910, dáin 30. september 1929.
5. Ásta, fædd 27. janúar 1918, dáin 4. janúar 1996.
6. Laufey, fædd 29. október 1920, dáin 15. september 2002.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.