Salvör Brynjólfsdóttir (Norðurgarði)

From Heimaslóð
Jump to: navigation, search

Salvör Brynjólfsdóttir húsfreyja frá Norðurgarði fæddist 11. janúar 1866 og lést 11. júlí 1900.
Foreldrar hennar voru Brynjólfur Halldórsson bóndi, f. 11. nóvember 1825 í Skíðbakkahjáleigu í A-Landeyjum, d. 4. júní 1874, og kona hans Jórunn Guðmundsdóttir húsfreyja, f. 4. desember 1828 í Norðurgarði, d. 14. febrúar 1879.

Systkini hennar, sem komust upp voru:
1. Margrét, f. 20. október 1852, d. 31. júlí 1937, kona Hannesar lóðs á Miðhúsum.
2. Rannveig húsfreyja í Reykjavík f. 27. september 1857, d. 5. október 1922.
3. Þórður, f. 16. júní 1862. Líklega sá, sem fór til Vesturheims frá Akureyri 1887, trésmiður 24 ára.
4. Júlíana Guðrún, f. 9. júlí 1863. Hún bjó á Akureyri 1930.
5. Magnús, f. 17. desember 1864. Hann fór til Vesturheims, líklega 1887 og líklega sá, sem var 22 ára skósmiður og ætlaði til Milwaukee.
6. Guðbjörg, f. 2. apríl 1867, d. 25. apríl 1944, búsett í Reykjavík.
7. Halldór sjómaður, varð blindur, f. 12. janúar 1873, d. 28. janúar 1948. Hann kvæntist Kristínu Vigfúsdóttur af Rangárvöllum, f. 2. september 1865, d. 5. janúar 1836. Þau bjuggu í Sjávargötu, síðar í Hafnarfirði.

Salvör var með foreldrum sínum uns faðir hennar dó 1874. Hún var tökubarn á Ofanleiti í lok þess árs til ársins 1881, er hún var léttastúlka þar, vinnukona þar 1882-1885.
Hún fluttist til Reykjavíkur 1885, var vinnukona þar 1890.
Salvör giftist Sigurði 1892. Hún fæddi andvana meybarn 1893, Kjartan 1894 og Brynjólf 1896, en missti hann rúmlega 2 mánaða gamlan. Hún lést 1900.

Maður Salvarar, (14. maí 1892), var Ólafur Sigurðsson steinsmiður, f. 28. mars 1859, d. 3. mars 1906. Hann bjó með aldraðri móður sinni á Laufásvegi 5 í Reykjavík 1901.
Börn þeirra hér:
1. Andvana stúlkubarn 3. mars 1893.
2. Kjartan Ólafsson yfirfiskimatsmaður í Húsavík, f. 17. september 1894, d. 3. ágúst 1960. Hann kom í fóstur til Margrétar móðursystur sinnar á Miðhúsum 1898.
3. Brynjólfur Ólafsson, f. 29. nóvember 1896, d. 11. febrúar 1897.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.