Ritverk Árna Árnasonar/Jón Pétursson

Úr Heimaslóð, Sögusetri Vestmannaeyja
Stökkva á: flakk, leita
Jón Pétursson.

Kynning.

Jón Pétursson smiður í Þorlaugargerði fæddist 21. júlí 1868 á Búðarhóli í A-Landeyjum og lést 18. júní 1932. Hann fluttist til Eyja 1872.
Foreldrar hans voru Pétur Benediktsson bóndi í Þorlaugargerði, f. 12. febrúar 1841 í Breiðabólstaðarsókn í Rang., d. 16. október 1921 í Eyjum og fyrri kona Péturs Kristín Guðmundsdóttir húsfreyja í Þorlaugargerði, frá Búðarhóli í A-Landeyjum, f. 4. maí 1841, d. 13. apríl 1881.

Kona Jóns Péturssonar, (24. nóvember 1899), var Rósa Eyjólfsdóttir húsfreyja, f. 3. júní 1875 á Kirkjubæ, d. 30. október 1944.
Börn Jóns og Rósu:
1. Októ Ármann, f. 15. desember 1900, d. 1. desember 1933.
2. Laufey Kristín Jóney, f. 8. júní 1910, d. 9. júní 1936.
Fósturbörn þeirra Rósu:
3. Jón Guðjónsson frá Oddsstöðum, systursonur Jóns, f. 2. ágúst 1903, d. 12. febrúar 1967.
4. Guðfinna Sigbjörnsdóttir, f. 15. nóvember 1903, d. 1. maí 1967, dóttir Kristínar Magnúsínu Pétursdóttur, f. 6. ágúst 1879, d. 10. október 1924, systur Jóns Péturssonar, og Sigbjörns Björnssonar, f. 8. september 1876, d. 21. maí 1962.
5. Ársól Svava Sigurðardóttir, f. 29. janúar 1917, d. 21. janúar 1995. Hún var dóttir Kristínar Magnúsínu og var hálfsystir Guðfinnu.

Úr fórum Árna Árnasonar símritara:
Bjargveiðimannatal.

Jón var maður meðalhár eða rúmlega það, svartur á brún og brá, vel samsvarandi að gildleika, frekar magur í andliti og með mikið svart yfirskegg á síðari árum. Hann var allvel fær að kröftum, en mjög lipur og snar í öllum hreyfingum, hinn hvatlegasti á velli.
Jón var léttur í lund, vinhlýr og kátur, góður heim að sækja, veitull og ræðinn.
Jón var mikið við fuglaveiðar, bæði á Heimalandi og svo í Elliðaey, og er vafalaust einn af allra flinkustu veiðimönnum, sem hér hafa aldur alið. Mun nafn hans sem veiðimanns í minnum haft, meðan ritað og rætt verður um veiðar og veiðigarpa.
Jón var smiður að iðn og bóndi í Þorlaugargerði, velkynntur maður og vinmargur, eftirsóttur smiður, drengur hinn besti, sem öllum vildi vel gera.

Önnur umfjöllun á Heimaslóð: Jón Pétursson


Úr fórum Árna Árnasonar, efnisyfirlit


Heimildir

  • Samantekt: Víglundur Þór Þorsteinsson.
  • Eyjar og úteyjalíf – Úrval verka Árna Árnasonar símritara frá Grund. Sögufélag Vestmannaeyja í samstarfi við Safnahús Vestmannaeyja 2012.
  • Garður.is.
  • Landeyingabók–A-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur–Landeyjahreppur, Gunnarshólma 1999.
  • Manntöl.
  • Rangvellingabók. Valgeir Sigurðsson. Rangárvallahreppur, Hellu 1982.


Þessi grein tilheyrir Æviskrám Eyjafólks eftir Víglund Þór Þorsteinsson.