Ritverk Árna Árnasonar/Finnbogi Björnsson

Úr Heimaslóð, Sögusetri Vestmannaeyja
Stökkva á: flakk, leita

Úr fórum Árna Árnasonar símritara:
Bjargveiðimannatal.

Finnbogi var allhár vexti, þrekinn, herðabreiður og kröftuglega vaxinn, enda afburða kraftamaður, snar og lipur í öllum hreyfingum. Hann var fríður ásýndum, sviphýr og kátur, snemma alskeggjaður og bauð af sér góðan þokka, og þó myndugleik í framkomu.
Lífsstarf hans var sjómennska, fiskveiðar og siglingar utan og innan lands við rómað þrek og harðneskju skipstjórn og mannkosti á sjó og landi.
Finnbogi var ágætur veiðimaður og lét sinn hlut ekki eftir liggja í þeim störfum, skemmtilegur úteyjafélagi, sem öllum gat komið í gott skap. Hann var að allra dómi kjarnakarl, sem mönnum var hollt að kynnast.

Önnur umfjöllun á Heimaslóð: Finnbogi Björnsson


Úr fórum Árna Árnasonar, efnisyfirlit