Ragnhildur Jóhannsdóttir (Eyvindarholti)

Úr Heimaslóð, Sögusetri Vestmannaeyja
Fara í flakk Fara í leit

Ragnhildur Jóhannsdóttir frá Reykjavík, húsfreyja í Eyvindarholti, fæddist 14. ágúst 1904 í Reykjavík og lést 8. maí 1972.
Faðir hennar var Jóhann Bergur sjómaður á Fáskrúðsfirði, Reykjavík og síðast í Sandgerði, f. 13. nóvember 1877 í Steinasókn undir Eyjafjöllum, d. 28. mars 1948, Jónsson bónda á Leirum þar 1890, f. 16. júlí 1830, d. 12. september 1900, Björnssonar bónda í Stóru-Mörk undir Eyjafjöllum, f. 10. desember 1799, d. 20. september 1889, Jónssonar, og konu Björns, Ragnhildar húsfreyju í Stóru-Mörk 1835, f. 1801, d. 18. maí 1843, Magnúsdóttur.
Móðir Jóhanns Bergs og kona Jóns á Leirum var Anna húsfreyja, f. 2. febrúar 1831 í Mýrdal, d. 1. júní 1916, Hafliðadóttir bónda á Dyrhólum 1835, f. 1795, d. 5. maí 1873, Ólafssonar í Neðri-Dal 1801, Skúlasonar og konu Ólafs, Katrínar Hafliðadóttur.
Móðir Önnu Hafliðadóttur og kona Hafliða var Þrúður húsfreyja, f. 21. júní 1802, d. 6. janúar 1837, Eyjólfsdóttir bónda í Pétursey, Stefánssonar.

Móðir Ragnhildar og kona Jóhanns Bergs var Jónína Guðrún húsfreyja í Mörk í Reykjavíkursókn 1901, f. 16. júní 1880, d. 26. mars 1943, Jónsdóttir bónda á Brennistöðum í Borgarhreppi í Mýrasýslu, síðast á Ölvaldsstöðum, f. 17. september 1848, d. 9. júlí 1925, Guðmundssonar bónda í Stangarholti og víðar í Borgarfirði, f. 12. júlí 1820, d. 25. janúar 1899, og síðari konu Guðmundar, Guðrúnar húsfreyju, f. 19. október 1819, d. 22. júní 1895, Jónsdóttur.
Móðir Jónínu Guðrúnar í Mörk og kona Jóns á Brennistöðum var Oddfríður húsfreyja, f. 27. nóvember 1850, d. 23. nóvember 1933 Þorvaldsdóttir bónda á Brennistöðum, f. 29. október 1823, d. 22. júní 1863, Eyjólfssonar bónda á Kvíslhöfða í Álftaneshreppi, f. 27. júlí 1795, d. 31. maí 1866, Jónssonar, og konu Eyjólfs, Oddfríðar húsfreyju, f. 11. október 1794, d. 3. apríl 1845, Þorvaldsdóttur.
Móðir Oddfríðar á Brennistöðum og kona Þorvaldar á Brennistöðum var Guðrún húsfreyja, f. 1828, d. 10. desember 1890, Bergþórsdóttir bónda á Lambastöðum á Mýrum, f. 25. nóvember 1793, d. 13. september 1867, Þorvaldssonar, og konu Bergþórs, Kristínar húsfreyju, f. 1796, d. 29. október 1859, Árnadóttur.

Börn Jónínu Guðrúnar og Jóhanns Bergs í Eyjum:
1. Ragnhildur Jóhannsdóttir.
2. Bergþóra Jóhannsdóttir húsfreyja í Mandal, f. 23. nóvember 1906, d. 13. apríl 1983, kona Jóns Stefánssonar.
3. Oddfríður Jóhannsdóttir húsfeyja á Litlu-Löndum, f. 23. september 1909, d. 11. desember 1983, kona Sigmars Axels Jónssonar vélstjóra.
4. Anna Jóhannsdóttir húsfreyja, f. 10. janúar 1914, d. 25. janúar 1944, sambýliskona Guðmundar Stefánssonar frá Ási.

Ragnhildur var með foreldrum sínum í Reykjavík 1910, var ættingi í Gíslakoti u. A-Eyjafjöllum 1920.
Þau Sveinn eignuðust Guðfinnu u. Eyjafjöllum 1928, komu henni í fóstur til föðurforeldra Sveins að Efri-Kvíhólma þar.
Þau fluttust til Eyja 1928, eignuðust 7 börn. Þau bjuggu á Vestmannabraut 53, Laugalandi og síðan í Eyvindarholti, eignuðust sex börn í Eyjum. Þau fluttust að Efri-Rotum 1946 og bjuggu þar þá með sex börn sín, en Guðfinna var á Efri-Kvíhólma og bjó síðar hjá ekkjunni ömmu sinni þar.
Ragnhildur dvaldi síðast hjá Guðfinnu dóttur sinni í Traðarhúsum á Eyrarbakka. Hún lést 1972 og Sveinn 1981.

I. Maður Ragnhildar var Sveinn Jónasson frá Efri-Kvíhólma u. Eyjafjöllum, verkamaður, síðar bóndi í Efri-Rotum þar, f. 10. júlí 1902 í Miðmörk þar, d. 26. desember 1981.
Börn þeirra:
1. Guðfinna Sveinsdóttir, alin upp hjá föðurforeldrum í Efri-Kvíhólma, húsfreyja í Indriðakoti u. Eyjafjöllum, Ormskoti þar og síðar á Eyrarbakka, f. 15. júní 1928 á Laugalandi, d. 10. febrúar 2021. Maður hennar Sigurður Eiríksson, látinn.
2. Sigurður Sveinsson sjómaður, farmaður, bóndi, síðast í Hafnarfirði, f. 15. júlí 1929 á Laugalandi, d. 12. desember 2003.
3. Jóhann Bergur Sveinsson lögreglumaður, heilbrigðisfulltrúi Suðurnesja, f. 15. september 1930 í Eyvindarholti, d. 24. ágúst 2004.
4. Nína Sveinsdóttir húsfreyja í Sandgerði, f. 21. mars 1933 í Eyvindarholti, d. 30. júní 1990.
5. Jónas Sveinsson sjómaður, bifreiðastjóri, f. 23. september 1937 í Eyvindarholti, d. 13. ágúst 2000.
6. Sveinn Víkingur Sveinsson lögreglumaður, ökukennari í Keflavík, f. 11. apríl 1941 í Eyvindarholti.
7. Hrafnhildur Sveinsdóttir húsfreyja, síðast í Kópavogi, f. 22. mars 1943 í Eyvindarholti, d. 1. febrúar 1997.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.