Oddný Ólafsdóttir (London)

Úr Heimaslóð, Sögusetri Vestmannaeyja
Fara í flakk Fara í leit

Oddný Ólafsdóttir frá Berjanesi u. Eyjafjöllum, húsfreyja á Seyðisfirði, fæddist 6. ágúst 1859 í Steinasókn og lést 23. maí 1926.
Foreldrar hennar voru Ólafur Magnússon bóndi í Berjanesi, síðar í London, f. 18. júlí 1828, d. 21. mars 1904, og fyrri kona hans Elsa Dóróthea Árnadóttir húsfreyja, f. 29. september 1832, d. 21. september 1877.

Oddný fluttist með ekklinum föður sínum undan Fjöllunum að London 1878.
Hún var með föður sínum og Unu stjúpmóður sinni í London 1878 og enn 1882, vinnukona í Landlyst 1883 og 1885 við fæðingu andvana barns síns..
Þau Guðmundur fluttust til Seyðisfjarðar, - hún 1885.
Oddný og Guðmundur bjuggu á Kvennabrekku þar 1890 með börnunum Dagbjarti 4 ára, Einari 3 ára og Elsu Dóotheu Ólafíu eins árs. Í heimili hjá þeim var Sigurður Vigfússon vinnumaður 25 ára.
Við manntal 1901 var Oddný í Guðmundarhúsi á Seyðisfirði með fjölskyldu sinni og bæst höfðu við börnin Guðrún Helga, Oktavía Guðný, Árni, Ingimundur og Vilborg Júlíana, en Dagbjartur var vinnumaður í Dvergasteini í Seyðisfirði.
Þau bjuggu á Hlíðarenda þar 1910 með 7 börnum sínum. 1920 voru þau þrem börnum sínum á Kirkjuhvoli þar.

Maður Oddnýjar var Guðmundur Einarsson sjómaður og útgerðarmaður á Seyðisfirði, f. 12. apríl 1856, d. 2. ágúst 1936.
Börn Oddnýjar og Guðmundar hér:
1. Andvana fætt sveinbarn 26. febrúar 1885 í Landlyst.
2. Dagbjartur Guðmundsson útvegsbóndi á Seyðisfirði, f. 19. október 1886 á Seyðisfirði, d. 9. apríl 1972.
3. Einar Guðmundsson útgerðarmaður, bóndi á Kirkjuhvoli í Seyðisfirði, f. 1. nóvember 1887, d. 31. júlí 1929, kvæntur Dagmar Þorkelsdóttur Eiríkssonar.
4. Elsa Dóróthea Ólafía Guðmundsdóttir bústýra í Vinaminni 1910, f. 28. júlí 1889, d. 4. desember 1918.
5. Guðrún Helga Guðmundsdóttir, f. 7. ágúst 1891. Hún var á Seyðisfirði 1930.
6. Oktavía Guðný Guðmundsdóttir húsfreyja í Helli í Eyjum, f. 5. október 1893, d. 22. október 1980, kona Sigurðar Gíslasonar múrara. Hún var síðast í Hafnarfirði.
7. Árni Ingimundur Guðmundsson vélstjóri, f. 22. mars 1896, drukknaði 22. mars 1955.
8. Vilborg Júlíana Guðmundsdóttir húsfreyja á Seyðisfirði, f. 18. júlí 1896, d. 21. apríl 1978.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.