Norðurgarður eystri

From Heimaslóð
Jump to: navigation, search

Húsið Norðurgarður eystri stóð utan byggðar fyrir ofan hraun. Það hús var rifið á síðasta áratug 20. aldar.

Valgeir Arnórsson reisti nýtt hús árið 2003 á svipuðum stað og Norðurgarður eystri og Norðurgarður vestri stóðu og nefndi það Norðurgarð.

Norðurgarður Eystri.

Norðurgarður um aldamótin 1900
Norðurgarður 1958
Norðurgarður 1948
Norðurgarður 1953

Árið 1892 fékk jörðina Eystri Norðurgarð til ábúðar Finnbogi Björnsson, (f. 1856, d. 1943) útvegsbóndi og fyrri kona hans Rósa Eyjólfsdóttir, (f. 1857, d. 1905), en seinni kona Finnboga var Margrét Jónsdóttir, (f. 1868, d. 1950). Þau bjuggu þar myndarbúi og edurbyggðu, raflýstu og stækkuðu húsið.
Guðni, (f. 1909, d. 1962), sonur Finnboga og Margrétar, tók við búinu 1935 ásamt konu sinni Guðrúnu Ágústu Sigurjónsdóttur, (f. 1913), og bjuggu þar til Guðni andaðist 1962. Húsið eignaðist Istvan Juhasz 1963. Húsið var rifið 1996 eftir brunaskemdir.

Þessi lýsing er af fornu höfuðbýli, áður en það var endurbyggt um 1915:
No 42. Norðurgarður eystri. Þjóðjörð.
Ábúandi Finnbogi Björnsson, bóndi.
Túnið, 1.181 ha, er í góðri rækt , alt sljett en mishæðótt. Töðufall 75 hestar. Matjurtagarðar, 923 m2 vel yrkti en ófrjór, uppskera 9 tunnur.
15 sauðabeit í Elliðaey, fuglatekja og eggver í Elliðaey, Hellisey og Stórhöfða, nemur 62 króna ársarði að frádregnum kostnaði.
Hagbeit sameiginleg á Heimalandi fyrir kú, hest og 12 sauðkindur frá hverri jörð. Engjar engar. Reki lítill.
Jörðin metin Kr. 3800,00.
Túnið liggur að vestra Norðurgarðstúni og að óskiftu landi (hrauni).
Girðingar: grjótgarður 500 m. og gaddavír á trjestólpum 256 m. alls 756 m. í góðu standi.
Íbúðar og eignarhús ábúanda, Finnboga Björnssonar.
Húsið er byggt úr timbri, járnklætt. L. 8,70, br 5,15, h. 4,55 m.
Skift í 4 herbergi auk kjallara. 2 íbúðir, 1 ofn 2 eldavélar.
Steinlímdur kjallari, jafnstór húsinu, til íbúðar og geymslu.
Raflýst. Endurbyggt og stækkað ár 1915.
Eingin leigulóð. Fordyr við suðurhlið.
Húsið virt kr. 5100,00
Útihús: Heyhlaða 7x4, 50x2, 50 m kr. 800,00
Fiskhús í Skipasandi, 4x6x3, 60 m kr. 800,00 db.
Hjallur og fjós fyrir 2 nautgripi kr. 600,00


Heimildir