Nýtt líf

Úr Heimaslóð, Sögusetri Vestmannaeyja
Fara í flakk Fara í leit
Nýtt líf

Kvikmyndin "Nýtt líf" er fyrsta myndin af þriggja mynda seríu sem Þráinn Bertelsson skrifar og leikstýrir. Myndin var gerð 1983 og hefur hún verið sýnd í Ríkissjónvarpinu og einnig hefur hún verið gefin út á DVD. Með aðalhlutverk fara Eggert Þorleifsson og Karl Ágúst Úlfsson, en einnig koma fram m.a. Elva Ósk Ólafsdóttir, Sveinn Tómasson og Eiríkur Sigurgeirsson. Tónlistarflutningur Bjarkar Guðmundsdóttur á er ógleymanlegur í myndinni.

Myndin fjallar um tvo vini, Þór og Danna, sem ákveða að hefja nýtt líf í Vestmannaeyjum og ráða sig til starfa við fiskvinnslu á fölskum forsendum, en lenda í mörgum skemmtilegum uppákomum og kynnast mjög athyglisverðum persónum á meðan á dvöl þeirra í Eyjum stendur. Eru margar persónurnar löngu orðnar þjóðþekktar og kannast lang flestir við Víglund verkstjóra, ungfrú Snæfells- og Hnappadalssýslu, Maríu Lundadóttur og skipstjórann hjátrúarfulla.