Magnús Magnússon (Vilborgarstöðum)

Úr Heimaslóð, Sögusetri Vestmannaeyja
Fara í flakk Fara í leit

Magnús Magnússon bóndi á Vilborgarstöðum fæddist 18. júlí 1830 og lést 5. júlí 1879.

Faðir Magnúsar var Magnús bóndi í Syðri-Vatnahjáleigu í A-Landeyjum, Fagurhól og Kálfsstöðum, f. 20. september 1805, d. 10. júní 1862, Guðlaugsson bónda og hreppstjóra á Búðarhóli í A-Landeyjum Bergþórssonar.

Móðir Magnúsar á Vilborgarstöðum og kona Magnúsar Guðlaugssonar var Þuríður húsfreyja, skírð 18. mars 1801, d. 7. nóvember 1888, Ólafsdóttir bónda á Kirkjulandi í A-Landeyjum 1763-1778, Ólafssonar bónda þar Ólafssonar. Móðir Þuríðar og seinni kona (2. júlí 1796) Ólafs á Kirkjulandi var Guðrún húsfreyja, f. 1767, Diðriksdóttir bónda í Fíflholtshjáleigu Þórðarsonar.

Bróðir Magnúsar var Árni Magnússon í Fredensbolig.

Magnús var með foreldrum sínum í Syðri-Vatnahjáleigu 1835, hjá þeim í Fagurhól í Landeyjum 1850 og í Kálfholti 1855. Á mt. 1870 er hann skráður sjóarbóndi (svo í afriti) á Vilborgarstöðum, kvæntur Arnbjörgu.

Kona Magnúsar, (24. september 1858), var Arnbjörg Árnadóttir, („Ampa“), f. 23. júlí 1836.
Börn þeirra Arnbjargar og Magnúsar hér.
1. Þuríður Magnúsdóttir húsfreyja á Seyðisfirði og í Reykjavík, f. 11. júlí 1861, d. 30. júlí 1946.
2. Árni Magnús Magnússon, f. 12. september 1863, drukknaði á Austurlandi.
3. Guðfinna Magnúsdóttir, f. 18. febrúar 1866, d. 28. desember 1871 „af slagi“.
4. María Ingibjörg Magnúsdóttir, f. 16. ágúst 1868, fór til Vesturheims 1903 frá Garðsfjósi, dó 28. nóvember 1944.
5. Guðfinna Kristjana Magnúsdóttir, f. 10. júní 1872, fermd 1886, d. 6. maí 1932.
6. Björg Magnúsína Magnúsdóttir, f. 6. október 1875, fermd 1890, d. 11. desember 1949.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Landeyingabók – Austur Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Manntöl.
  • Prestþjónustubækur.