Kvenfélagið Heimaey
Saga Kvenfélagsins Heimaey hefst árið 1953 þegar Jónína Jónsdóttur bauð heim til sín nokkrum konum úr Vestmannaeyjum er bjuggu, eins og hún, í Reykjavík. Ræddu þær saman hversu leiðinlegt það væri að konur frá Vestmannaeyjum hittust lítið. Ákváðu þær þá í sameiningu að stofna félag fyrir konur ættaðar úr Vestmannaeyjum.
Stofnfundur var haldin 9. apríl 1953, í félagsheimili VR. Kosin var fyrsta stjórnin og hana skipuðu: Krístin Ólafsdóttir formaður, Huld Kristmannsdóttir ritari, Stella Eggertsdóttir gjaldkeri og meðstjórnandi Stella Guðmundsdóttir. Alls sátu 38 konur fundinn. Á þessum fundi var árgjald ákveðið en það var 15 krónur. 4. maí 1953 var haldinn fyrsti fundurinn og ákveðið var nafnið Kvenfélagið Heimaey. Markmið félagsins voru líknarstörf og styrking sjúkra og efnalítilla, en einnig hafði það þann tilgang að konur ættaðar frá Vestmannaeyjum gætu hist og skemmt sér saman.
Samkvæmt fundargerðarbókum frá fyrstu árunum er greinilegt að lögð var hvað mest áhersla á fjáröflun og var mest notast við basara. Mikið af dóti var selt á þeim til dæmis barnabolir sem konurnar saumuðu saman. Í gosinu vann félagið ennig mikið sjálfboðastarf og þegar fréttist að Hafnarbúðir hefðu verið opnaðar fyrir Vestmannaeyinga, þá voru þær strax komnar af stað til að útvega eitthvað matarkyns. Heimaeyjarkonur voru þar til staðar á meðan mestu ósköpin dundu yfir. Allt að 140 félagskonur unnu í viku hverrí Hafnarbúðum.
Lokakaffið
Lokakaffið er kaffiveisla sem félagskonur halda fyrir Vestmannaeyinga. Þetta er mikilvægasti atburður félagsins og reynt er að miða við að hafa daginn sem næst vertíðarlokum. Félagið stendur fyrir frábærum árshátíðum og er mjög vandað til þegar haldið er upp á afmælishátíðir. Á hverju ári er farið í ferðalag annaðhvort dags- eða helgarferðir. Alltaf hefur ríkt góður andi og ánægja yfir félagsstarfinu og sést vel að áhuginn er ekkert að hverfa með nýjum kynslóðum sem koma og taka við af þeirri eldri.
Heimildir
- Heimasíða Kvenfélagsins Heimaey [1]