Kjartan Vilhjálmsson (Múla)

From Heimaslóð
Jump to: navigation, search
Kjartan á Múla 24 ára.

Kjartan Vilhjálmsson fæddist að Múla í Vestmannaeyjum 20. mars 1905 og lést 30. mars 1932. Foreldrar hans voru Vilhjálmur Ólafsson og Guðbjörg Árnadóttir og ólst hann upp með þeim að Múla.

Formennsku byrjaði Kjartan á Esther árið 1925 og síðar á Frans en hætti svo formennsku.

Kjartan lést þegar hann féll fyrir borð á Hörpu hjá Þorgeiri Jóelssyni, nýorðinn 27 ára gamall.


Heimildir

  • Sjómannablaðið Víkingur. 6-7 tbl. 1968. Farmanna- og Fiskimannasamband Íslands.

Frekari umfjöllun

Vilhjálmur og Guðbjörg með börnum sínum. Sigurður Ingi situr á milli hjónanna.

Kjartan Leifur Vilhjálmsson skipstjóri, sjómaður frá Múla, fæddist 20. mars 1906 og drukknaði 30. mars 1932.
Foreldrar hans voru Vilhjálmur Ólafsson sjómaður, útgerðarmaður á Múla, f. 28. ágúst 1872 í Rofabæ í Meðallandi, d. 3. júlí 1951, og kona hans Guðbjörg Árnadóttir húsfreyja, f. 27. september 1869 á Fossi í Mýrdal, d. 10. júlí 1929.

Börn Vilhjálms og Guðbjargar voru:
1. Ólafur Vilhjálmsson skipstjóri, sjómaður, f. 12. september 1900, d. 24. febrúar 1972.
2. Þorgerður Vilhjálmsdóttir húsfreyja, f. 12. ágúst 1903, d. 29. september 1990.
3. Kjartan Leifur Vilhjálmsson skipstjóri, sjómaður, f. 20. mars 1906, drukknaði 30. mars 1932.
4. Guðlaug Vilhjálmsdóttir húsfreyja í Reykjavík, f. 27. maí 1907, d. 22. júlí 1974.
Fóstursonur þeirra var
5. Sigurður Ingi Jónsson prentari í Reykjavík, f. 19. júní 1917, d. 30. október 1997.

Kjartan var sjómaður. Hann kvæntist Karólínu í desember 1931, en fórst í mars árið eftir.
Báturinn var undir seglum. Það slóst í þá Kjartan og Guðjón Friðriksson frá Látrum og féllu þeir útbyrðis og drukknuðu.

Kona, (31. desember 1931), var Karólína Ingibergsdóttir, f. 27. nóvember 1911, d. 28. nóvember 1966.
Þau voru barnlaus.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.