Katrín Sólveig Jónsdóttir

Úr Heimaslóð, Sögusetri Vestmannaeyja
Fara í flakk Fara í leit
Katrín Sólveig Jónsdóttir.

Katrín Sólveig Jónsdóttir húsfreyja í Ráðagerði og að Hásteinsvegi 55 fæddist 5. nóvember 1929 í Garðshorni í Arnardal í Eyrarhreppi í Norður-Ísafjarðarsýslu og lést 5. febrúar 2006 á Hrafnistu í Reykjavík.
Foreldrar hennar voru Jón Jóhann Katarínusson bóndi, sjómaður og síðar verkamaður í Reykjavík, f. 18. júlí 1898 í Fremri-Húsum í Arnardal, d. 11. desember 1987, og kona hans, (skildu), Guðjóna Jóhannesdóttir húsfreyja, síðar á Ísafirði og í Hafnarfirði, f. 10. september 1904 í Bolungarvík, d. 31. júlí 1957.

Katrín Sólveig var í Garðshorni 1930.
Hún fluttist til Reykjavíkur og þaðan til Eyja 1950, bjó með Hlöðveri í Ráðagerði og eignaðist Sævar um haustið. Þau giftu sig 1951 og eignuðust 3 börn í Ráðagerði.
Þau byggðu húsið við Hásteinsveg 55, fluttu þangað um 1953, eignuðust þar 2 börn.
Þau voru enn í Eyjum 1959, en fluttust í Hafnarfjörð og að síðustu til Reykjavíkur, eignuðust eitt barn 1962.
Katrín Sólveig lést 2006 og Hlöðver 2007.

I. Maður Katrínar Sólveigar, (9. september 1951), var Hlöðver Helgason frá Hamri og Rotum u. Eyjafjöllum, verkamaður, sjómaður, skipstjóri, síðar bifreiðastjóri í Reykjavík, f. 11. september 1927 á Hamri við Skólaveg, d. 2. ágúst 2007.
Börn þeirra:
1. Sævar Hlöðversson rennismiður, f. 10. september 1950 á Sjúkrahúsinu. Kona hans er María Pétursdóttir húsfreyja, starfsmaður á leikskóla.
2. Hjálmar Kristinn Hlöðversson kaupmaður, f. 3. mars 1952 í Ráðagerði. Kona hans er Elínborg Pétursdóttir húsfreyja, starfsmaður á leikskóla.
3. Guðjón Hlöðver Hlöðversson bifreiðastjóri, afgreiðslumaður, f. 10. maí 1953 í Ráðagerði. Kona hans er Björg Ragnarsdóttir húsfreyja.
4. Hafdís Hlöðversdóttir húsfreyja, starfsmaður við bókband, f. 2. ágúst 1954 á Hásteinsvegi 55. Maður hennar er Sigmar Teitsson húsgagnasmiður.
5. Gunnar Hlöðversson kaupmaður, sjómaður, f. 30. janúar 1956 á Sjúkrahúsinu. Kona hans, (skildu), var Sigurlaug M. Ólafsdóttir.
6. Valgerður Oddný Hlöðversdóttir húsfreyja, bifreiðastjóri, verslunarmaður, f. 13. júlí 1962 í Hafnarfirði. Maður hennar er Pétur Andrésson bifreiðastjóri.


Heimildir

  • Samantekt: Víglundur Þór Þorsteinsson.
  • Afkomendur.
  • Íslendingabók.is.
  • Manntöl.
  • Morgunblaðið 15. febrúar 2006. Minning.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.