Jens Larsen Schram

Úr Heimaslóð, Sögusetri Vestmannaeyja
Fara í flakk Fara í leit

Jens Larsen Schram verslunarstjóri, trésmiður, fæddist 3. febrúar 1806 á Skagaströnd og lést 22. september 1869 í Vatnagarði á Reykjanesi, (skráður Jens Lassen við skírn).
Foreldrar hans voru Christian Gynther Schram kaupmaður á Skagaströnd, f. 8. júlí 1772 í Kaupmannahöfn, d. 27. maí 1839, og kona hans Anna Christina Schram húsfreyja, f. 1784 í Stavanger í Noregi. Þau voru ættforeldrar Schram-ættar.

Bróðir Jens var Ellert Schram skipstjóri, f. 1. mars 1810, drukknaði 26. mars 1842.

Jens var á Skagaströnd 1817, verslunarmaður (assistent) í Kornhól 1828, faktor þar 1829, var fyrsti faktor í Godthaab 1830, assistent þar 1831.
Þau Steinunn bjuggu í Godthaab 1832 og fóru þaðan á því ári „suður á Land“ með Anne Christine.
Þau voru í Reykjavík 1835-1840, á Syðri-Flankastöðum á Reykjanesi í lok árs 1840, og 1845 með 3 börn sín.
Jens var verslunarþjónn í Reykjavík 1835, síðar húsmaður, „timbursmiður“ á Syðri-Flankastöðum og Másbúðum á Suðurnesjum.

I. Kona Jens var Steinunn Thordersen Guðmundsdóttir Schram, f. 24. apríl 1803 í Hafnarfirði, d. 25. maí 1879.
Börn fædd í Eyjum:
1. Christiane Gynthore Schram, f. 19. júní 1830 í Godthaab, d. 24. júní 1830 úr ginklofa.
2. Anne Christine Jensdóttir Schram, f. 22. ágúst 1831 í Godthaab, d. 11. júní 1900 í Krókskoti á Miðnesi.
Börn fædd utan Eyja:
3. Steinunn Jensdóttir Schram, f. 19. júní 1837 í Reykjavík, d. 14. apríl 1922. Maður hennar Jón Oddsson.
4. Ástríður Jensdóttir Schram húsfreyja í Reykjavík og Seattle í Washington-fylki í Bandaríkjunum, f. 15. september 1840 á Hauksstöðum á Miðnesi, Gull., d. 2. júní 1928 í Seattle.
5. Jóhann Kristján Jensson Schram, f. 1852 á Útskálum, d. 19. desember 1928 í Betel á Gimli í Manitoba í Kanada.

II. Barnsmóðir Jens var Þórkatla Gunnarsdóttir, f. 22. september 1831 í Útskálasókn í Gull., d. 1907.
Barn þeirra:
6. Jóhann Jensson Schram á Útskálum, f. 20. febrúar 1856 í Keflavík.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.