Júlíus Þórarinsson (Mjölni)

Úr Heimaslóð, Sögusetri Vestmannaeyja
Fara í flakk Fara í leit

Júlíus Þórarinsson frá Eystri Oddsstöðum, formaður, verslunarmaður, verkstjóri frá Mjölni fæddist 4. júlí 1906 í Vík í Mýrdal og lést 2. júní 1983.
Foreldrar hans voru Þórarinn Árnason bóndi á Norður-Fossi og í Vík í Mýrdal, síðar bæjarfulltrúi í Eyjum og bóndi á Eystri Oddsstöðum, f. 13. júní 1865, d. 22. febrúar 1926 og kona hans Elín Jónsdóttir, f. 15. febrúar 1863 á Grímsstöðum í V-Landeyjum, d. 9. janúar 1950 í Eyjum.

Börn Elínar og Þórarins voru:
1. Eyþór Þórarinsson kaupmaður, verkstjóri, f. 29. maí 1889, d. 19. febrúar 1968.
2. Eyvindur Þórarinsson formaður, hafnsögumaður, f. 13. apríl 1892, d. 25. ágúst 1964.
3. Oddgeir Páll Þórarinsson formaður, vélstjóri á Rafstöðinni, f. 17. september 1893, d. 11. ágúst 1972.
4. Árni Guðbergur Þórarinsson formaður, hafnsögumaður, f. 25. maí 1896, d. 18. janúar 1982.
5. Guðlaugur Guðni Þórarinsson öryrki, f. 2. janúar 1898, d. 15. september 1925.
6. Ingveldur Þórarinsdóttir verslunarmaður, f. 12. apríl 1902, d. 29. apríl 1994.
7. Ragnhildur Þórarinsdóttir húsfreyja, f. 2. desember 1904, d. 23. nóvember 1997.
8. Júlíus Þórarinsson, f. 4. júlí 1906, d. 2. júní 1983.

Júlíus var með foreldrum sínum í Vík í Mýrdal til ársins 1908, er fjölskyldan fluttist að Eystri Oddsstöðum í Eyjum, var þar með þeim 1910-1920, er þau fluttust að Strandbergi, (Strandvegi 39).
Hann hóf sjómennsku 15 ára, varð skipstjóri 1927 til ársins 1946, síðan var hann verkstjóri.
Þau Sigurragna giftu sig 1928. Þau bjuggu í Eyvindarholti við fæðingu Steinars í byrjun árs 1930, en voru komin á Kanastaði, (Hásteinsvegi 22) síðla árs. Þau bjuggu á Vegbergi 1934-1935.
Þau fluttust þá að Mjölni, (Skólaveg) 18, sem var æskuheimili Sigurrögnu. Þar bjuggu þau síðan að undanteknum 2-3 árum, er þau bjuggu í Reykjavík.
Þau Ragna fluttust í Njarðvíkur um 1946. Þar vann Júlíus við hafnargerð um skeið. Þau fluttust síðan til Reykjavíkur og þar var Júlíus verkstjóri hjá Vita- og hafnarmálstjórn og síðan yfirverkstjóri hjá Flugmálastjórn við byggingu flugvalla víða um land.
Hann lést 1963 og Sigurragna 1995.

Kona Júlíusar, (8. september 1928), var Sigurragna Magnea Jónsdóttir (Ragna), húsfreyja frá Mjölni, f. 25. október 1905, d. 20. desember 1995.
Börn þeirra:
1. Sigurður Steinar Júlíusson feldskeri, f. 28. janúar 1930. Kona hans er Guðrún Jónasdóttir húsfreyja, talsímakona frá Skuld, f. 17. janúar 1930.
2. Vilhelm Þór Júlíusson verkstjóri hjá Flugmálastjórn, f. 30. maí 1932, d. 16. júlí 2013. Kona hans var Guðbjörg Benjamínsdóttir.
3. Gylfi Júlíusson umdæmisstjóri hjá Vegagerðinni, f. 18. október 1937. Fyrri kona hans var Ingibjörg Gunnarsdóttir, en síðari kona hans er Helga Viðarsdóttir.
4. Aðalsteinn Júlíusson bankamaður, f. 18. desember 1939. Kona hans er Elín Ingólfsdóttir.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Morgunblaðið 31. desember 1995. Minning.
  • Prestþjónustubækur.
  • Skipstjóra- og stýrimannatal. Guðmundur Jakobsson. Ægisútgáfan 1979.
  • Steinar Júlíusson.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.