Jón Ögmundsson (Kirkjubæ)

Úr Heimaslóð, Sögusetri Vestmannaeyja
Fara í flakk Fara í leit

Jón Ögmundsson bóndi á Kirkjubæ fæddist 7. janúar 1806 og lést 6. maí 1840.
Foreldrar hans voru Ögmundur Jónsson bóndi í Skíðbakkahjáleigu og Rimakotir í A-landeyjum, f. 1776 á Lágafelli þar, d. 24. mars 1844, og fyrsta kona hans Sigríður Jónsdóttir húsfreyja, f. 1775 í Hallgeirsey þar, d. 17. desember 1819.

Jón var með foreldrum sínum í Skíðbakkahjáleigu 1816.
Þau Helga fluttust til Eyja 1831 „til að giftast“ og fóru að Kirkjubæ, voru búandi þar 1832-1839. Þau misstu öll börn sín á fyrstu dögum lífsins úr „Barnaveiki“, sem vafalítið er ginklofi.
Helga lést 1839 og Jón ári síðar.

Kona Jóns, (1831), var Helga Jónsdóttir húsfreyja, f. 25. febrúar 1803, d. 6. apríl 1839.
Börn þeirra hér:
1. Sigurður Jónsson, f. 13. júní 1832, d. 19. júní 1832 úr „Barnaveiki“.
2. Jón Jónsson, f. 28. desember 1834, d. 3. janúar 1835 úr „Barnaveiki“
3. Sigríður Jónsdóttir, f. 27. október 1833, d. 2. nóvember 1833 úr „Barnaveiki“.
4. Jónas Jónsson, f. 27. nóvember 1835, d. 2. desember 1835 úr „Barnaveiki“.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Manntöl.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.