Jónína Þuríður Guðnadóttir

Úr Heimaslóð, Sögusetri Vestmannaeyja
Fara í flakk Fara í leit

Jónína Þuríður Guðnadóttir húsfreyja á Bröttugötu 3 fæddist 22. nóvember 1928 á Ímastöðum í Vöðlavík í S-Múlasýslu og lést 1. september 2014.
Foreldrar hennar voru Guðni Jónsson bóndi og útgerðarmaður á Ímastöðum, f. 3. júlí 1891, d. 3. desember 1978, og kona hans Steinunn Marta Jónsdóttir húsfreyja, f. 4. mars 1897 á Vattarnesi, d. 22. janúar 1962.

Jónína Þuríður og Guðmundur fluttu til Hafnar í Hornafirði 1954, giftu sig þar og eignuðust Steinar á árinu.
Þau fluttust til Eyja 1955, bjuggu um skeið á Vallargötu, þá á Hólagötu 34, byggðu Bröttugötu 3 og bjuggu þar síðan.
Þau eignuðust 4 börn.

Maður Jónínu Þuríðar, (31. desember 1954), var Guðmundur Sigjónsson vélvirki hjá Áhaldahúsinu, f. 22. mars 1928, d. 7. nóvember 2009.
Börn þeirra:
1. Steinar Guðmundsson, f. 13. maí 1954. Kona hans er Ásdís Viggósdóttir, f. 26. nóvember 1958.
2. Sigrún Guðmundsdóttir húsfreyja, f. 23. maí 1959. Maður hennar er Magnús Guðmundsson, f. 20. september 1959.
3. Guðný Guðmundsdóttir húsfreyja, f. 4. janúar 1963. Maður hennar er Alexander Matthíasson, f. 11 júní 1959.
4. Friðrik Guðmundsson, f. 28. maí 1965. Hann var í sambúð með Luciu Guðnýju Jörundsdóttur, f. 5. ágúst 1967.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.