Ingveldur Kristín Magnúsdóttir

From Heimaslóð
Jump to: navigation, search

Ingveldur Kristín Magnúsdóttir frá Hvoli við Heimagötu, húsfreyja í Reykjavík fæddist 19. október 1902 og lést 31. ágúst 1957.
Foreldrar hennar voru Magnús Ingimundarson sjómaður, útgerðarmaður, f. 24. apríl 1879, drukknaði 10. janúar 1912, og fyrri kona hans Jóhanna Oddsdóttir húsfreyja, f. 4. október 1875, d. 18. febrúar 1908.

Margrét missti móður sína 5 ára gömul. Hún var með föður sínum og föðurforeldrum og síðan þeim og Helgu stjúpmóður sinni, uns faðir hennar drukknaði 10. janúar 1912.
Hún fluttist til Hafnarfjarðar 1912 með Helgu stjúpmóður sinni, var vinnukona á Vörðustíg 7 1920.
Hún var húsfreyja í Reykjavík, bjó á Laugarnesvegi 67.

Maður hennar, (1928), var Thorberg Páll Jónasson bifreiðastjóri, f. 4. febrúar 1902 í Hlíð á Vatnsnesi, V-Hún., d. 19. október 1993. Foreldrar hans voru Jónas Jónasson bóndi í Hlíð, f. 16. júlí 1850, d. 13. maí 1928, og kona hans Margrét Bjarnfríður Þorsteinsdóttir húsfreyja, f. 21. október 1874, d. 15. mars 1965.
Börn þeirra hér:
1. Jóhanna Svava Pálsdóttir Thorberg, f. 30. júní 1928, d. 22. september 2008.
2. Óskar Thorberg Pálsson, f. 29. október 1930, d. 20. janúar 2015.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Jóelsætt. Guðrún Hafsteinsdóttir. Mál og mynd 2002.
  • Manntöl.
  • Morgunblaðið 27. október 1993. Minning.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.