Ingigerður Árnadóttir (Nýjabæ)

Úr Heimaslóð, Sögusetri Vestmannaeyja
Fara í flakk Fara í leit

Ingigerður Árnadóttir húsfreyja, ljósmóðir í Dölum og Nýjabæ, f. um 1764 að Lækjarbakka í Mýrdal, d. 20. maí 1833 í Nýjabæ í Eyjum.
Foreldrar hennar voru Árni bóndi að Lækjarbakka, f. 1722, Jóns bónda á s.st. Árnasonar og ónefnd móðir.

Ingigerður var komin til Eyja 1792, var ekkja þar 1798, húsfreyja í Dölum 1801 og í Nýjabæ 1816. Hún nam ekki ljósmóðurfræði svo vitað sé. Hún gegndi ljósmóðurstörfum í Eyjum 1805-1812 og naut launa úr konungssjóði.

Maki I, barnsfaðir: Ögmundur (líklega) bóndi á Hvoli í Mýrdal 1777, f. 1751, d. 16. febr. 1793, Björnsson bónda á Hvoli í Mýrdal. Hann mun vera af sömu ætt og Ögmundur Árnason frá Kerlingardal í Mýrdal, föður þeirra Jóns í Stakkagerði og síðar í Dalbæ, Ögmundar og Arnbjarnar í Presthúsum.

Börn þeirra hér:
1. Oddur, f. um 1787.
2. Kristín, f. um 1788.

Maki II, (1792): Árni Hákonarson bóndi í Stóra-Gerði, f. um 1741, drukknaði 16. febr. 1793.
3. Barn: Þorbjörg, f. 14. apríl 1793, d. 20. s. mán. úr ginklofa.

Maki III, (6. des. 1798): Jón Einarsson útvegsbóndi, lóðs- og hreppstjóri, f. um 1773, d. 14. marz 1846.
Börn þeirra hér:
4. Kristín Jónsdóttir, f. 9. jan. 1803, d. 17. sama mánaðar úr ginklofa.
5. Einar Jónsson, f. 4. jan. 1804, d. 13. sama mánaðar úr ginklofa.
6. Kristín Jónsdóttir, f. 13. maí 1806, d. 26. maí 1806 úr ginklofa.
7. Jón Jónsson, f. 10. okt. 1808, d. fyrir mt 1816.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.