Ingibjörg J. Þórðardóttir (Skálanesi)
Ingibjörg Jónína Þórðardóttir frá Skálanesi, húsfreyja fæddist 11. ágúst 1932 á Akureyri.
Foreldrar hennar voru Þórður Jónsson formaður og skipasmiður á Bergi og í Vallartúni, f. 10. júní 1887, d. 1. febrúar 1939, og þriðja kona hans Kristbjörg Stefánsdóttir húsfreyja á Akureyri, í Keflavík, Vallanesi, síðar í Skálanesi, f. 12. júlí 1896, d. 8. mars 1984.
Börn Kristbjargar og Þórðar voru:
1. Álfheiður Lára Þórðardóttir í Skálanesi, f. 26. febrúar 1928, d. 28. desember 2005.
2. Oddný Guðbjörg Þórðardóttir í Skálanesi, f. 15. ágúst 1929, d. 23. október 1998.
3. Ingibjörg Jónína Þórðardóttir í Skálanesi, f. 11. ágúst 1932.
4. Þóra Þórðardóttir í Skálanesi, f. 16. apríl 1939.
Börn Þórðar og Kristínar Guðjónsdóttur bústýru hans:
5. Jónína Ásta Þórðardóttir, f. 27. nóvember 1918, d. 28. september 1995.
6. Bergþóra Þórðardóttir húsfreyja, f. 16. mars 1924, d. 16. júlí 2004.
Barn Þórðar og Sigríðar Guðmundsdóttur frá Stóru-Hildisey í A-Landeyjum, síðar húsfreyja í Hamragörðum u. V-Eyjafjöllum, vinnukona hjá honum frá 1909, f. 13. ágúst 1886, d. 19. júní 1956.
Barn þeirra var
3. Jóhann Gunnar Þórðarson, f. 9. mars 1919, d. 9. febrúar 1920.
Barn Þórðar og Guðrúnar Þórðardóttur:
8. Jón Sigurður Þórðarson
skipasmiður, f. 17. júní 1921, d. 7. maí 2017.
Barn Þórðar og Petrúnar Ólafar Ágústsdóttur.
9. Sveinbjörg Alma Þórðardóttir, f. 22. desember 1925, d. 28. mars 1936 af Keflavíkurbrunanum.
Ingibjörg var með foreldrum sínum á Akureyri, fluttist með þeim til
Keflavíkur 1935 og dvaldi þar í tvö ár.
Fjölskyldan fluttist að Vallartúni 1937. Þar bjuggu þau, en Þórður lést í febrúar 1939. Þau höfðu þá nýlega fest kaup á Skálanesi við Vesturveg og fjölskyldan flutti þangað.
Ingibjörg átti við veikindi að stríða í æsku og á unglingsárum og var um skeið á Vífilsstöðum. Þetta hindraði eðlilega skólagöngu.
Hún starfaði við fiskvinnslu um skeið, vann á Símstöðinni 1951-1957 og 1966-1985, en hjá Landsímanum í Reykjavík 1973-1974.
Þau Svanur giftu sig 1956, eignuðust tvö börn. Þau bjuggu á Höfðabrekku við Faxastíg 15 1955-1957, á Sóleyjuargötu 7 1957-1973, Sóleyjargötu 3 1974-1975, í Hrauntúni 1975-1979 og Sóleyjargötu 1 til 1997. Þá fluttust þau í Kópavog og bjuggu þar í 14 ár.
Þau snéru til Eyja 2011, bjuggu á Vestmannabraut 22 til 2015, en hafa síðan búið á Sólhlíð 19.
Maður Ingibjargar Jónínu, (1. janúar 1956), var Svanur Jónsson vélvirki, f. 19. janúar 1933 á Lágafelli, d. 13. desember 2023.
Börn þeirra:
1. Jón Ólafur Svansson verkstjóri, fiskverkandi, f. 11. nóvember 1955. Fyrrum kona Sigrún Ólafía Þórarinsdóttir frá Bjarma. Kona hans Hafdís Magnúsdóttir ættuð frá Felli og Sandprýði.
2. Þórður Svansson byggingameistari, f. 10. nóvember 1956. Fyrri kona Solveig Sigurðardóttir ættuð frá Hvassafelli. Kona hans Aníta Vignisdóttir ættuð frá London og Helli.
Heimildir
- Samantekt: Víglundur Þór Þorsteinsson.
- Íbúaskrá Vestmannaeyja 1972.
- Íbúaskrá Vestmannaeyja 1979.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.