Ingibjörg Guðmundsdóttir (Norðurgarði)

From Heimaslóð
Jump to: navigation, search

Ingibjörg Guðmundsdóttir húsfreyja í Norðurgarði fæddist 26. nóvember 1799 og lést 29. mars 1883.
Faðir hennar var Guðmundur bóndi í Klasbarðahjáleigu í V-Landeyjum, síðar bóndi á Bólstað í A-Landeyjum, f. 1772 á Skúmsstöðum í V-Landeyjum, d. 21. október 1840, Einarsson bónda á Skúmsstöðum, f. 1725, d. 29. apríl 1799, Guðmundssonar bónda á Álfhólum í V-Landeyjum, f. 1682, á lífi 1729, Gíslasonar, og konu Guðmundar Gíslasonar, Sigríðar húsfreyju, f. 1685, á lífi 1729, Hróbjartsdóttur.
Móðir Guðmundar í Klasabarðahjáleigu og kona Einars bónda á Skúmsstöðum var Ingibjörg húsfreyja, f. 1734, d. 17. ágúst 1817, Guðmundsdóttir bónda á Löndum á Miðnesi, Gull., d. 1756, Jónssonar, og konu Guðmundar á Löndum, Sigríðar húsfreyju, f. 1701, d. 20. nóvember 1784, Ketilsdóttur.

Móðir Ingibjargar í Norðurgarði og fyrri kona Guðmundar bónda í Klasabarðahjáleigu var Guðrún húsfreyja, f. 1774, d. 5. október 1805, Jónsdóttir bónda í Vestri-Garðsauka í Hvolhreppi, f. 1750, d. 1793, Atlasonar bónda á Efri-Hvoli í Hvolhreppi, f. 1708, Eyjólfssonar, og konu Atla á Efri-Hvoli, Kristínar húsfreyju, f. 1715, Jónsdóttur.
Móðir Guðrúnar í Klasabarðahjáleigu og kona Jóns í Vestri-Garðsauka var Kristín húsfreyja, f. 1749, d. 18. júní 1817, Bjarnadóttir bónda í Vestri-Garðsauka, f. 1700, Jónssonar, og síðari konu Bjarna, Guðrúnar húsfreyju, f. 1714, Arnórsdóttur.

Ingibjörg í Norðurgarði var systir Málhildar móður Einars á Steinsstöðum, föður Ástríðar konu Sigurðar Jónssonar á Löndum, og föður Jóns á Garðstöðum afa Kristmannssystkina.

Ingibjörg var með foreldrum sínum í Klasabarðahjáleigu í V-Landeyjum 1801, með þeim á Krossi í A-Landeyjum 1816.
Hún var húsfreyja í Elínarhúsi 1824 og 1825, í Norðurgarði 1835, 1845 og ekkja þar 1855, ekkja og húskona þar 1860 og hjá henni var Ingibjörg Einarsdóttir dótturbarn hennar, dóttir Valgerðar Jónsdóttur og Einars Guðmundssonar.
Hún var 71 árs ekkja og niðursetningur í Norðurgarði 1870 hjá Tíla Oddssyni bónda og Guðríði Jónsdóttur húsfreyju.
Þá var hún 79 ára ekkja og niðursetningur í Brekkuhúsi 1880 hjá Sigríði Magnúsdóttur húsfreyju og Sigurði Ögmundssyni bónda.

I. Barnsfaðir Ingibjargar var Erlendur Hallgrímsson, síðar bóndi í Syðri-Úlfsstaðahjáleigu í A-Landeyjum.
Barn þeirra var
1. Guðmundur Erlendsson, f. 20. september 1822, d. 29. október 1822.

Ingibjörg var tvígift.
II. Fyrri maður hennar, (29. júní 1823), var Jón Ólafsson tómthúsmaður í Elínarhúsi, d. 20. júlí 1825.
Börn þeirra hér:
2. Nikulás Jónsson, f. 2. júní 1824 í Elínarhúsi, d. 10. júní 1824 úr ginklofa.
3. Guðrún Jónsdóttir, f. 21. apríl 1825 í Elínarhúsi, d. 2. júní 1890 í London.

III. Síðari maður Ingibjargar í Norðurgarði, (21. nóvember 1825), var Jón Jónsson bóndi í Norðurgarði, f. 1. mars 1791, hrapaði til bana úr Stórhöfða 21. ágúst 1851.
Börn Ingibjargar og Jóns hér:
4. Valgerður Jónsdóttir, f. 16. apríl 1827, d. 6. ágúst 1827 „af Barnaveikindum“.
5. Þorgerður Jónsdóttir, f. 21. mars 1829, d. 30. mars 1829 úr ginklofa.
6. Kristín Jónsdóttir, f. 26. júní 1830, d. 1. júlí 1830 úr ginklofa.
7. Jóhanna Jónsdóttir, f. 9. júní 1831, d. 22. júní 1831 úr ginklofa.
8. Valgerður Jónsdóttir, f. 20. ágúst 1832, d. 7. október 1897 Vestanhafs. Hún var tvíburi.
9. Ingibjörg Jónsdóttir, f. 20. ágúst 1832, d. 23. ágúst 1832 úr ginklofa. Hún var tvíburi.
10. Sigríður Jónsdóttir, f. 13. nóvember 1835, d. 20. nóvember 1835 úr ginklofa.
11. Guðrún Jónsdóttir, f. 3. maí 1837, d. 11. maí 1837 úr ginklofa.
12. Jón Jónsson, f. 10. október 1841, d. 22. október 1841 úr ginklofa.


Heimildir

  • Samantekt: Víglundur Þór Þorsteinsson.
  • Íslendingabók.is
  • Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Manntöl.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.