Hjalti Hávarðsson

Úr Heimaslóð, Sögusetri Vestmannaeyja
Fara í flakk Fara í leit
Hjalti Hávarðsson.

Hjalti Hávarðsson stýrimaður fæddist 10. janúar 1957 á Rauðafelli.
Foreldrar hans voru Hávarður Ásbjörnsson frá Sólheimatungu, Brekastíg 14 sjómaður, vélstjóri, stýrimaður, f. 2. febrúar 1934 í Bergholti, d. 12. febrúar 1962, og kona hans Edda Einars Andrésdóttir húsfreyja, f. 27. júlí 1935 í Reykjavík, d. 6. desember 1999 á Vífilsstöðum.

Barn Eddu og Hávarðar:
1. Hjalti Hávarðsson, f. 10. janúar 1957 á Rauðafelli. Kona hans var Sigríður Garðarsdóttir.
Barn Eddu og Jóns Arinbjarnar Ásgeirssonar:
2. Lydia Jónsdóttir húsfreyja, f. 26. febrúar 1967 í Reykjavík. Maður hennar Einar Skaftason.

Hjalti var með foreldrum sínum á Rauðafelli fyrstu fimm ár ævinnar, en þá lést faðir hans. Hann var með móður sinni þar og síðan henni og Jóni Ásgeirssyni. Einnig bjó þar stjúpfaðir Eddu, Kristján Thorberg Tómasson frá Garðstöðum.
Hjalti lauk prófi í Stýrimannaskólanum í Eyjum um 1986.
Hann var sjómaður, stýrimaður, m.a. á Breka VE 61, Vestmannaey VE 54, Dala Rafni VE 508, Bergi VE 44.
Þau Sigríður giftu sig 2006, eignuðust þrjú börn. Þau bjuggu á Búhamri 34.
Sigríður lést 2016. Hjalti býr að Sólhlíð 21.

Kona Hjalta, (1. apríl 2006), var Sigríður Garðarsdóttir húsfreyja, verslunarstjóri, f. 25. janúar 1959, d. 8. mars 2016.
Börn þeirra:
1. Hávarður Þór Hjaltason kerfisstjóri í Reykjavík, f. 17. júní 1975. Kona hans Alina Marin Hjaltason.
2. Erna Dögg Hjaltadóttir húsfreyja, skrifstofumaður, f. 26. febrúar 1992. Sambúðarmaður hennar Unnar Óli Ólafsson.
3. Breki Örn Hjaltason vélvirki, f. 2. janúar 1997. Fyrrum sambýliskona hans Amalía Duffield.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.