Hildur Oddgeirsdóttir (Stafnesi)

From Heimaslóð
Jump to: navigation, search

Hildur Kristjana Oddgeirsdóttir frá Stafnesi við Heiðarveg, húsfreyja, lífeindafræðingur fæddist þar 11. mars 1951.
Foreldrar hennar voru Oddgeir Kristjánsson tónlistarhöfundur, hljómsveitarstjóri, kennari, f. 16. nóvember 1911, d. 18. febrúar 1966, og kona hans Svava Guðjónsdóttir húsfreyja, f. 8. febrúiar 1911, d. 10. nóvember 1991.

Börn Svövu og Oddgeirs:
1. Hrefna Guðbjörg Oddgeirsdóttir húsfreyja, talsímakona, tónlistarkennari, bókavörður, f. 1. ágúst 1931 í Dalbæ, d. 16. nóvember 2016.
2. Kristján Oddgeirsson, f. 7. október 1938 á Hásteinsvegi 5, d. 30. júlí 1947.
3. Hildur Kristjana Oddgeirsdóttir húsfreyja, lífeindafræðingur, f. 11. mars 1951 í Stafnesi.

Hildur var með foreldrum sínum í æsku.
Hún nam lífeindafræði og lauk BSc-prófi 1974.
Þau Hafsteinn fóru til Noregs 1976, þar sem Hafsteinn var við framhaldsnám og hún vann við Diakonhjemmet í Ósló.
Hildur vann við Vífilsstaðaspítala 1979. Þau fluttu til Eyja og hún vann við Heilbrigðisstofnun Vestmannaeyja til ársins 2000. Einnig vann hún nokkuð þar fyrir Íslenska erfðagreiningu.
Þau fluttu til Hafnarfjarðar og Hildur vann hjá Íslenskri erfðagreiningu 2001-2003, síðan hjá Heilsugæslunni í Hafnarfirði til starfsloka nær sextíu og sjö ára gömul.
Þau Hafsteinn giftu sig 1971, eignuðust tvö börn.

I. Maður Hildar, (28. ágúst 1971), er Hafsteinn Grétar Guðfinnsson sjávarlíffræðingur hjá Hafrannsóknastofnun, f. 5. ágúst 1950.
Börn þeirra:
1. Leifur Geir Hafsteinsson BSc-eðlisfræðingur, PhD-vinnusálfræðingur, kennari, mannauðsstjóri Völku, f. 9. mars 1970 í Eyjum. Kona Leifs Jónína Björg Bjarnadóttir .
2. Birgir Hrafn Hafsteinsson tölvunarfræðingur, MBA, deildarstjóri vöruhúsa hjá Distica, f. 29. mars 1976. Kona hans Guðbjörg Birna Björnsdóttir.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.