Hildur Árnadóttir (Vilborgarstöðum)
Hildur Tilde Árnadóttir frá Vilborgarstöðum fæddist 9. júlí 1873 á Vilborgarstöðum og lést 25. júní 1918 í Lethbridge í Alberta í Kanada.
Foreldrar hennar voru Árni Árnason bóndi og sjómaður á Vilborgarstöðum, f. 6. ágúst 1843, drukknaði af bátnum Gauki 13. mars 1874, og kona hans Vigdís Jónsdóttir húsfreyja, f. 10. júní 1845, lést í Kanada 28. október 1925.
Systkini Hildar í Eyjum voru:
2. Ingveldur Árnadóttir, f. 28. júní 1867, d. 2. mars 1948 í Vesturheimi.
2. Árni Árnason sjómaður á Grund, f. 15. júlí 1870, d. 8. janúar 1924.
Hálfsystir Hildar, (sammædd), var
3. Jóhanna Sigríður Árnadóttir, f. 9. júlí 1864, d. 7. febrúar 1938 í Vesturheimi.
Faðir Hildar drukknaði, er hún var á fyrsta ári. Í lok ársins var hún með ekkjunni móður sinni í Vanangri, með henni í Helgahjalli 1875, í Kró 1876, á Löndum 1877, í Frydendal 1879 og þaðan fluttust mæðgurnar til Utah 1880.
Hildur giftist Ingimundi Jónssyni 1891 og bjó í Scofield þar sem hann vann við námugröft.
1903 fluttust þau til Raymond í Alberta í Kanada. Þau eignuðust 9 börn.
Hildur lést 1918 í Lethbridge í Kanada, en Ingimundur 1940 í Kaliforníu.
I. Maður Hildar var Ingimundur Jónsson trésmiður, blikksmiður, byggingameistari, f. 24. ágúst 1868 á Önundarstöðum í A-Landeyjum, d. 10. janúar 1940. Foreldrar hans voru Jón Ingimundarson bóndi, f. 31. maí 1829 í Miðey í A-Landeyjum, d. 22. ágúst 1891 í Spanish Fork í Utah, og síðari kona hans Þórdís Þorbjörnsdóttir húsfreyja og ljósmóðir, f. 18. apríl 1836 í Ártúnakoti á Rangárvöllum, d. 28. mars 1928 í Talmage í Idaho í Bandaríkjunum.
Þau Ingimundur eignuðust 9 börn:
1. John Edmond Johnson, f. 21. mars 1893 í Spanish Fork, d. þar 12. júlí 1895.
2. Erick Ingimore Johnson, f. 10. nóvember 1895 í Spanish Fork, d. 24. janúar 1992 í Pocatello í Idaho.
3. Vigdís Ingimundardóttir húsfreyja í Spanish Fork, f. 8. desember 1897 í Spanish Fork í Utah, d. 1. desember 1978 í Taber í Alberta í Kanada. Maður hennar John Pétur Valgardson.
4. Thordis Johnson, f. 12. júlí 1900 í Scofield Carbon í Utah, d. 21. júlí 1952 í Toole í Montana.
5. Edwin Johnson, f. 10. maí 1903 í Raymond í Alberta í Kanada, d, 10. maí 1972 í Soshome í Idaho.
6. Árni Arnie Johnson, f. 1906, d. 2001 í San Diego.
7. Harold Monroe Johnson, f. 31. maí 1908 í Raymond í Alberta, d. 7. maí 1963 í San Diego.
8. Leo Dean Johnson, f. 2. mars 1911 í Raymond í Alberta, d. 4. apríl 1996 í Salt Lake City.
9. Stanley Johnson, f. 1915 í San Diego.
Heimildir
- Samantekt: Víglundur Þór Þorsteinsson.
- Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
- Magnús Haraldsson.
- Our Pioneer Heritage Vol. 7. Kate B. Carter. Daughters of Utah Pioneers. Salt Lake City 1964.
- Prestþjónustubækur.
- Úr gögnum Kára Bjarnasonar og Fred Woods.
- Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.
Þessi grein tilheyrir Æviskrám Eyjafólks eftir Víglund Þór Þorsteinsson.