Helga Jónsdóttir (Miðey)

Úr Heimaslóð, Sögusetri Vestmannaeyja
Fara í flakk Fara í leit

Helga Jónsdóttir frá Miðey, húsfreyja, hjúkrunarfræðingur fæddist þar 17. nóvember 1947.
Foreldrar hennar voru Jón Guðmundsson skipstjóri, f. 15. júlí 1905, d. 4. mars 1972, og kona hans Rósa Árný Pálína Guðmundsdóttir húsfreyja, f. 15. júní 1918, d. 27. apríl 1974.

Börn Rósu og Jóns:
1. Gunnar Jónsson vélstjóri, skipstjóri, útgerðarmaður, f. 18. janúar 1940 á Hilmisgötu 5, d. 13. júní 2013. Kona hans Selma Jóhannsdóttir
2. Guðmundur Jónsson, f. 25. apríl 1943 í Miðey, d. 29. september 1945.
3. Helga Jónsdóttir húsfreyja, hjúkrunarfræðingur, f. 17. nóvember 1947 í Miðey. Maður hennar Björn Ívar Karlsson.
4. Guðríður Jónsdóttir húsfreyja, starfsmaður leikskóla, stuðningsfulltrúi, f. 20. mars 1958. Fyrrum maður hennar Gunnar Þór Grétarsson. Maður hennar Þorsteinn Ólason.

Helga var með foreldrum sínum í æsku.
Hún varð fjórða bekkjar gagnfræðingur í Gagnfræðaskólanum 1964, varð stúdent í Framhaldsskólanum í Vestmannaeyjum 1985. Hún hóf fjarnám frá Hammerfest í bókasafnsfræði í Háskólanum í Osló, en fékk ekki lokið því nema nema á staðnum og varð því að hætta.
Þau Björn fluttu til Hammerfest í Noregi 1998 og þar var Björn yfirlæknir.
Helga vann hjá bókasafninu í Hammerfest í 2-3 ár.
Hún hóf nám í hjúkrunarfræði í Hammerfest 2001 og lauk því 19. júní 2004.
Þau Björn fluttu heim 2004 og Helga hóf störf á Hrafnistu haustið 2004 og vann til starfsloka 2017.
Þau Björn giftu sig 1968, eignuðust tvö börn. Þau bjuggu í Blokkinni við Hásteinsveg 62, síðar á Fjólugötu 19. Eftir heimkomu bjuggu þau í Sjálandi í Garðabæ og þar býr Helga.
Björn lést 2010.


I. Maður Helgu, (14. september 1968), var Björn Ívar Karlsson læknir, f. 24. apríl 1943 í Eyjum, d. 29. júlí 2010.
Börn þeirra:
1. Snorri Björnsson læknir í Keflavík og á Blönduósi, f. 28. desember 1972. Kona hans Ester Ingvarsdóttir.
2. Didda Scheving Björnsdóttir (áður Guðrún Scheving Björnsdóttir) fata- og búningahönnuður, sjúkraliði, áður í Santa Ana í Kaliforníu, síðar í Mount Juliet í Tennessee, f. 16. nóvember 1978. Maður hennar John Paul Aranas Gatchalian frá Filippseyjum.
Barn Björns og stjúpbarn Helgu:
3. Karl Björnsson læknir, f. 30. september 1962. Fyrsta kona hans Ásta Garðarsdóttir, látin. Önnur kona Karls Anna Jónsdóttir, látin. Kona hans Kolbrún Tryggvadóttir ættuð frá Pétursborg.


Heimildir

  • Samantekt: Víglundur Þór Þorsteinsson.
  • Helga.
  • Íslendingabók.is.
  • Læknar á Íslandi. Gunnlaugur Haraldsson. Þjóðsaga 2000.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.