Hamarsskóli Vestmannaeyja

Úr Heimaslóð, Sögusetri Vestmannaeyja
Fara í flakk Fara í leit

Hamarsskóli þjónar vestari hluta bæjarins og stendur miðsvæðis í vesturbænum. Skólinn tók til starfa haustið 1982, nemendur voru þá 250 á aldrinum 6 – 11 ára í þrettán bekkjardeildum. Í dag eru nemendur 320 í átján bekkjardeildum á aldrinum 6 – 15 ára. Skólinn er því heilstæður grunnskóli og þjónar íbúum í vesturbænum. Kennarar við skólann eru um 40 í 30 stöðugildum kennara og sérkennara. Við skólann starfa einnig húsvörður, skólaritari, skólahjúkrunarfræðingur, sálfræðingur, námsráðgjafi og þroskaþjálfi ásamt 13 skólaliðum og 6 stuðningsfulltrúum. Gott bókasafn og tölvuver er í skólanum. Þremur kennslustofum var bætt við skólann um áramótin 2002/2003. Skólinn er einsetinn.

Í skólanum er fylgt blöndunarstefnu og eru því fatlaðir og ófatlaðir saman í bekkjardeildum, þar sem því verður við komið. Í Hamarsskóla er lögð áhersla á jákvæðni, samvinnu, þekkingu og aga. Skólinn er þátttakandi í Comeníusar verkefni í samvinnu við Barnaskóla Vestmannaeyja. Í skólanum eru ýmsar skemmtilegar hefðir eins og t.d. vinavika, íþróttadagur, skóladagur, jólaföndurdagur o.fl. Foreldrafélag skólans er öflugt og hafa foreldrar ávallt stutt vel og dyggilega við starf skólans. Heimasíða Hamarsskóla er á skolatorg.is.

Tæknilegar upplýsingar

  • Heimilisfang:
Hamarsskóli
900 Vestmannaeyjar
  • Sími:
4812644
4812645
  • Fax:
4812649
  • Veffang:
http://hamarsskoli.eyjar.is/
  • Netfang:
hamey@vestmannaeyjar.is
  • Skólastjóri:
Anna Rós Hallgrímsdóttir annaros@vestmannaeyjar.is
  • Aðstoðarskólastjóri:
Óskar Jósúason oskar@grv.is
  • Opnunartímar:
Mán - Fös 7.45 - 16.00