Guðrún Soffía Jónsdóttir

Úr Heimaslóð, Sögusetri Vestmannaeyja
Fara í flakk Fara í leit
Guðrún Soffía Jónsdóttir.

Guðrún Soffía Jónsdóttir húsfreyja frá Elínarhúsi fæddist 25. janúar 1863 í Elínarhúsi og lést 5. febrúar 1893 í Spanish Fork í Utah.
Foreldrar hennar voru Jón Pétursson bátsformaður, f. 29. mars 1829, d. 15. júlí 1868, og kona hans Vilborg Þórðardóttir húsfreyja, f. 4. febrúar 1831, d. 18. júní 1924 í Utah.

Systkini Guðrúnnar Soffíu voru:
1. Ólöf Þóranna Jónsdóttir, f. 6. nóvember 1864, fór til Utah 1874.
2. Jóhann Pétur Jónsson, f. 6. október 1866, fór til Utah 1874.
3. Vilhjálmur Jónsson, f. 27. apríl 1868, fór til Utah 1874.

Faðir Guðrúnar Soffíu lést, er hún var 5 ára. Móðir hennar giftist Sigurður Árnason 1872 og þau fluttust til Spanish Fork í Utah 1874 með 4 börn hennar frá fyrra hjónabandi.
Guðrún Soffía giftist Pétri Valgarðssyni 1881 og eignaðist með honum 7 börn.
Hún lést 1893 í Spanish Fork.

I. Maður Guðrúnar Soffíu, (17. apríl 1881), var Pétur Valgarðsson, f. 31. desember 1842 í Nýjabæ á Seltjarnarnesi, d. 14. október 1918 í Spanish Fork. Foreldrar hans voru Valgarður Ófeigsson sjómaður í Reykjavík, f. 1. september 1801 í Efstadal í Grímsnesi, d. 10. júlí 1876 í Suðukoti í Reykjavíkursókn, og kona hans Aðalbjörg Jónsdóttir húsfreyja, f. 1. janúar 1807 á Moldhaugum í Eyjafirði, d. 20. ágúst 1883.
Börn þeirra voru:
1. Vilmina Christina Vagardson, f. 3. september 1882 í Spanish Fork, d. 2. janúar 1952. Maður hennar Gísli Bjarnason Bearnson, f. 10. október 1879 í Stöðlakoti í Reykjavík, d. 4. ágúst 1972 í Spanish Fork.
2. William Valgardson, f. 10. september 1884, d. 16. október 1960. Kona hans May Steinunn Johnson húsfreyja, f. 21. maí 1889, d. 3. janúar 1958 í Taber í Alberta í Kanada.
3. John Valgardson, f. 12. apríl 1886 í Spanish Fork, d. 16. september 1955 í Taber. Kona hans Julia Evangeline Garon, f. um 1886 í Hamel í Henepin í Minnesota, d. 3. maí 1944 í Caspasin í Saskatchevan í Kanada.
4. Walter Albert Valgardson, f. 11. ágúst 1888 í Spanish Fork, d. 30. maí 1949 í Taber. Kona hans Viola Pearl Jones húsfreyja, f. 22. september 1897 í Sand Coulee í Montana í Bandaríkjunum, d. 1. ágúst 1963 í Calgary.
5. Ephraim S. Valgardson byggingaverkfræðingur í Spanish Fork, f. 12. janúar 1891, d. 26. október 1950 í Spanish Fork. Fyrri kona hans Sarah Peterson húsfreyja, f. 17. október 1893 í Winterquarters í Carbon í Utah, d. 27. nóvember 1918. Síðari kona hans, skildu, Rose Lucille Jensen húsfreyja, f. 26. febrúar 1907 í Raymond í Alberta, d. 20. febrúar 1991 í Taber.
6. Edward, f. 13. janúar 1891 í Spanish Fork, d. 17. ágúst 1891 í Spanish Fork.
7. Sophia Valgardson, f. 12. janúar 1893, d. 31. júlí 1895.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.