Guðrún Eyjólfsdóttir (Garðstöðum)

From Heimaslóð
Jump to: navigation, search

Guðrún Eyjólfsdóttir á Garðstöðum, húsfreyja fæddist 9. október 1887 í Keflavík og lést 18. júní 1923.
Foreldrar hennar voru Eyjólfur Ólafsson í Eyjólfsbæ í Útskálasókn, Gull., sjómaður, f. 18. ágúst 1854 í Holtssókn u. Eyjafjöllum, d. 22. júlí 1913, og kona hans Ólöf Þórarinsdóttir frá Hjáleigusöndum u. V-Eyjafjöllum, húsfreyja, f. 18. apríl 1854, d. 19. júní 1900.

Bróðir Guðrúnar var
1. Ólafur Eyjólfsson sjómaður á Garðstöðum, f. 4. febrúar 1891, d. 31. júlí 1956.

Guðrún missti móður sína, er hún var á fjórtánda árinu.
Hún var hjú í Þorsteins-húsi í Útskálasókn 1901, fluttist til Eyja 1906.
Þau Jón eignuðust Halldór á Löndum 1908. Þau eignuðust sjö börn, bjuggu á Garðstöðum 1910 og síðan.
Guðrún lést 1923 og Jón 1954.

Maður Guðrúnar, (6. nóvember 1915), var Jón Pálsson útvegsmaður, verkamaður, ísláttarmaður, f. 26. apríl 1874 í Berjanesi u. Eyjafjöllum, d. 10. janúar 1954.
Börn þeirra:
1. Halldór Jónsson sjómaður, vélstjóri, f. 28. september 1908 á Löndum, d. 4. júlí 1976.
2. Ólafur Sigurður Jónsson bakarameistari í Reykjavík, f. 25. febrúar 1912 á Garðstöðum, d. 16. apríl 1988.
3. Björgvin Þorsteinn Jónsson sjómaður, f. 17. mars 1914 á Garðstöðum, d. 16. júlí 1989.
4. Lilja Jónsdóttir húsfreyja í Keflavík, f. 14. apríl 1916 á Garðstöðum, d. 22. október 1999.
5. Ágústa Helga Jónsdóttir húsfreyja í Keflavík, f. 20. ágúst 1917 á Garðstöðum, d. 29. febrúar 2008.
6. Páll Eydal Jónsson slippstjóri, f. 6. desember 1919 á Garðstöðum, d. 27. október 1996.
7. Eyjólfur Jónsson sjómaður, vélstjóri, f. 26. mars 1922, d. 6. október 1959.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.