Guðrún Eyberg Ketilsdóttir

From Heimaslóð
Jump to: navigation, search

Guðrún Eyberg Ketilsdóttir húsfreyja, skrifstofukona í Kópavogi fæddist 22. ágúst 1939 í Reykjavík.
Foreldrar hennar voru Ketill Eyjólfsson bifreiðastjóri, útgerðarmaður, framkvæmastjóri, síðar starfsmaður Hafnarfjarðarbæjar, f. 20. apríl 1911, d. 11. október 2006 og Jóna Kristín Eiríksdóttir, f. 2. mars 1918, d. 14. apríl 2007. Kjörforeldrar Guðrúnar Eybergs voru Oddgeir Páll Þórarinsson vélstjóri, bifreiðastjóri, formaður og starfsmaður Rafstöðvarinnar í Eyjum, f. 17. september 1893, d. 11. ágúst 1972, og kona hans Jórunn Gísladóttir húsfreyja, f. 27. júní 1889, d. 3. nóvember 1961.

Guðrún Eyberg var komin til kjörforeldra sinna á Ármótum 1940 og var með þeim í Árdal 1944 og 1945.
Hún fluttist með þeim til Kópavogs 1945 og hefur búið þar síðan.
Þau Sæmundur giftu sig 1961 og hafa eignast þrjú börn.
Hún vann skrifstofustörf utan heimilis, síðast um langt skeið við Ríkisútvarpið.

Maður Guðrúnar Eyberg, (14. desember 1961), er Sæmundur Guðni Árnason prentari, f. 23. júní 1938.
Börn þeirra eru:
1. Sigrún Sæmundsdóttir grafískur hönnuður, f. 9. ágúst 1962.
2. Oddgeir Sæmundur Sæmundsson blikksmiður, tryggingastarfsmaður, f. 19. mars 1966.
3. Fjölnir Sæmundsson félagsfræðingur, skólastjóri, lögreglumaður, f. 26. janúar 1970.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.