Guðrún Bergsteinsdóttir (Dal)

From Heimaslóð
Jump to: navigation, search

Guðrún Bergsteinsdóttir húsfreyja í Dal fæddist 17. febrúar 1873 og lést líklega í Vesturheimi.
Faðir hennar var Bergsteinn bóndi á Tjörnum og Fitjarmýri þar, f. 24. júlí 1841, d. 30. nóvember 1904, Einarsson bónda og hreppstjóra á Seljalandi þar, f. 12. janúar 1808, d. 27. febrúar 1883, Ísleifssonar bónda og meðhjálpara á Seljalandi, f. 5. febrúar 1760 í Dalseli þar, d. 25. janúar 1835, Gissurarsonar, og konu Ísleifs, Ingibjargar, f. 27. apríl 1772 í Hvammi þar, d. 1. janúar 1829.
Móðir Bergsteins og kona Einars á Seljalandi var Sigríður húsfreyja, f. 20. ágúst 1815, d. 16. ágúst 1860, Auðunsdóttir prests á Mosfelli í Mosfellssveit, í Landeyjaþingum og á Stóru-Völlum á Landi, f. 13. júlí 1770, d. 8. ágúst 1817, Jónssonar, og konu sr. Auðuns, Sigríðar húsfreyju, f. 1777, d. 13. janúar 1834, Magnúsdóttur.

Móðir Guðrúnar Bergsteinsdóttur og kona Bergsteins var Anna húsfreyja á Tjörnum, f. 16. nóvember 1840, d. 17. febrúar 1914, Þorleifsdóttir bónda á Tjörnum, skírður 27. október 1799, d. 3. desember 1879, Jónssonar bónda í Miðskála þar, f. 1754, d. 29. apríl 1804, Gottsveinssonar, og konu Jóns í Miðskála, Signýjar húsfreyju, f. 1762, d. 16. apríl 1835, Þorleifsdóttur.
Móðir Önnu og kona Þorleifs var Guðrún húsfreyja á Tjörnum, f. 2. nóvember 1811, d. 1. ágúst 1885, Þorleifsdóttir bónda á Hólmum í A-Landeyjum, f. 2. ágúst 1789 á Hólmum, d. 4. júní 1833, drukknaði á leið til Eyja, Árnasonar, og konu Þorleifs á Hólmum, Kristínar húsfreyju og bónda á Hólmum, f. 1781 í Stóru-Hildisey í A-Landeyjum, d. 2. apríl 1852, Hreinsdóttur.

Bergsteinn á Tjörnum var bróðir
1 Jóns Einarssonar á Hrauni, föður Þorsteins í Laufási og Sigrúnar Jónsdóttur á Melstað.
Systur Guðrúnar voru
2. Kristólína Bergsteinsdóttir húsfreyja á Hjalla, kona Sveins P. Schevings bónda, hreppstjóra og lögreglumanns.
3. Ingibjörg Bergsteinsdóttir húsfreyja í Dal, kona Magnúsar Þórðarsonar útgerðarmanns og skipstjóra.
4. Anna móðir Guðrúnar var móðursystir Katrínar Þorleifsdóttur húsfreyju í Draumbæ, konu Ingimundar Sigurðssonar bónda.

Guðrún var með foreldrum sínum á Tjörnum 1880 og á Fitjarmýri 1890.
Hún fluttist til Eyja 1891, 16 ára vinnukona að Draumbæ.
Við giftingu voru þau Árni bæði í Nýjabæ. Húsfreyja var hún í Dal 1901.
Þau Árni fóstruðu Katrínu Guðjónsdóttur, f. 15. ágúst 1887. Hún var dóttir Guðjóns Ingimundarsonar frá Draumbæ og Guðrúnar Sigurðardóttur vinnukonu þar. Katrín fluttist til Vesturheims 1902 frá Dal, 14 ára. Faðir hennar hafði flust vestur 1892, en Sigurður bróðir hans fluttist þangað 1902, og líklega hefur Katrín ferðast í skjóli hans.
Guðrún og Árni fluttust með Margréti vestur 1904.

Maður Guðrúnar, (2. nóvember 1900), var Árni Sigurðsson í Dal, f. 24. nóvember 1871.
Barn þeirra hér:
1. Margrét Árnadóttir, f. 30. maí 1901.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.