Guðríður Höskuldsdóttir (Búastöðum)

Úr Heimaslóð, Sögusetri Vestmannaeyja
Fara í flakk Fara í leit

Guðríður Höskuldsdóttir húsfreyja á Kirkjubæ fæddist 26. júní 1803 og lést 7. mars 1863.
Foreldrar hennar voru Höskuldur Höskuldsson bóndi, f. 1744, á lífi 1807 í Hvalsnessókn á Reykjanesi, og kona hans Emerentíana Örnólfsdóttir húsfreyja, f. 17. september 1777 á Skækli í Landeyjum, d. 3. apríl 1837 í Hvalsnessókn á Reykjanesi.

Guðríður var systir Guðrúnar Höskuldsdóttur húsfreyju á Kirkjubæ, f. 27. apríl 1801, d. 9. september 1860.

Hún fluttist af landi í Tómthús í Eyjum 1840, var vinnukona á Búastöðum 1841, ógift í í Görðum við Kirkjubæ 1843, búandi þar 1845 og enn 1850, en á Löndum 1854 og enn 1858, húsmannskona í Steinmóðshúsi 1860.
Guðríður lést 1863, húsfreyja í Steinshúsi.

Maður Guðríðar, (10. nóvember 1843), var Andrés Sigurðsson á Kirkjubæ, f. 1. ágúst 1809, d. 19. maí 1865.
Börn þeirra hér:
1. Kristín Andrésdóttir,f. 20. júlí 1839 á Stóra-Moshvoli í Hvolhreppi, Rang., d. 17. júlí 1922.
2. Andrés Andrésson, f. 9. september 1841, d. 15. september 1841 úr ginklofa.
3. Margrét Andrésdóttir, f. 1. ágúst 1843, d. 7. ágúst 1843 „af umgangandi veikindum“.


Heimildir

  • Samantekt: Víglundur Þór Þorsteinsson.
  • Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Manntöl.
  • Prestþjónustubækur.
  • Þorgils Jónasson.


Þessi grein tilheyrir Æviskrám Eyjafólks eftir Víglund Þór Þorsteinsson.